— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 10/12/05
Vítiskvalir

Tannálfurinn kíkti óboðinn í heimsókn til mín. Ég kann honum litlar þakkir fyrir!

Í gærkveldi fengum við hjónin okkur smá konfektmola og vorum að kjamsa á því þegar súkkulaðibiti stakkst á kaf í brotinn endajaxl. Það hafði gróið hold yfir eitthvað af brotasvæðinu og taug komin yfir. Ég varð blár, rauður og... ja fokkitt ég varð bara eins og litaspjald frá Litaveri. Annan eins sársauka hef ég sjaldan eða aldrei fundið. Ég kýldi í mig 3 parkódín og 1 íbúfen 400mg og lagðist fyrir og orgaði. Ég fór að dofna og lagði kaldan bakstur á verkinn og við það dofnaði hann. Í morgun vaknaði ég hálf sjö og fékk mér eina parkó í við bót. Síðan var ræs kl 8.30 og ég hringdi í tannlækninn minn sem er í Keflavík. Hún sagði mér bara að koma til að láta kíkja á þetta og ég brunaði suðreftir hálf vankaður ennþá af parkódíninu. Þar var það ákveðið að þessi jaxl skyldi fara og það strax! Endajaxl í neðri góm vessgú sem er það erfiðasta sem tannlæknar lenda í þegar draga á úr tönn... sérstaklega þegar tönnin er eins illa farin og mín var. Það tók talsverðan tíma að ná helvítinu úr og það má eiginlega segja að það hafi kostað mikið blóð, talsverðan svita og einhver tár. En karlmenni eins og ég er með mjög lágan sársaukaþröskuld og var farinn að kveinka mér áður en ég gekk inn á tannlæknastofuna. En hvað um það, ég fékk síðan uppáskrifað fyrir parkódín FORTE (sem sagt hávært parkódín) og á að éta það meðan ég finn til. Ég kem til með að vakna bólginn á morgun og þá verður gaman... eða ekki.

   (215 af 287)  
3/12/04 21:01

Þarfagreinir

Hryllilegt er þetta. Ég er enn með alla endajaxla og ætla sannarlega að reyna að halda því þannig, sérstaklega eftir að hafa lesið þessa sögu. Ívar, þú ert ekki öfundsverður.

3/12/04 21:01

Smábaggi

Hrikalegt.

3/12/04 21:01

Kaktuz

Ég minni gesti á að nota ekki orð á borð við 'fokkitt' hér á Gestapó. Ef að höfundar finna sig knúna til þess að blóta vinsamlegast blótið á íslensku.

Ég vil einnig minna þig á Ívar að taka niður sólgleraugun á meðan þú ert hérna inni.

K.

3/12/04 21:01

Enter

Já, það liggur við að maður telji tannpínuna verðskuldaða þegar slík orðskrípildi eru látin flakka hér. Verri þykir mér þó notkun orðsins 'vessgú', en notkun þess var nú dauðasök í minni sveit.

3/12/04 21:01

Jóakim Aðalönd

Þú átt samúð mína alla Ívar. Tannlæknar eru handbendar djöfulsins.

3/12/04 21:01

hundinginn

Parkódín Forte? Þá máttu ekki keyra bíl vinur minn. Þetta eitur er sterkara en morfín.
En annars er til gott ráð við tannverkjum. Jeg ljet gera við allt draslið í Tælandi. Kostaði bara 5.800 kr. takk fyrir og fínt frí í kaupbætir.

3/12/04 22:00

hlewagastiR

Segi það sama, fór bara til Tælands og lét draga úr mér stellið. Fékk þennan fína pilt í kaupbæti.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!