— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 2/12/04
Stundin okkar

Nú er mér nóg boðið! Börnum okkar er innprentað að eiturlyf, nauðganir og morð séu í lagi og að megrunarkúrar séu hið eina rétta! Bjakk!

Í stundinni okkar síðastliðinn sunnudag (og endursýnd klukkan 18 fimmtudaginn 27. janúar 2005) voru söngatriði frá að mig minnir Sönglist, söng- og leiklistarskóla barna og unglinga.

Atriðin voru þrjú og þegar það fyrsta byrjaði hugsaði ég með mér að þarna væri enn einn Siggu-Beinteins-söng-peningaplokks-skólinn og jú, ég hafði rétt fyrir mér. Þarna kom einhver stúlka og söng lagið Von (lag eftir U2 sem heitir á frummálinu One) og gerði það í löku meðallagi. Lagið var hálfnað þegar Birta og Bárður (aðalskepnurnar í Stundinni okkar) héldu áfram með einhvern asnalegan spæjaraleik sem ekki einu sinni sjónvarpssjúku börnin mín höfðu gaman af.

Svo kom næsta lag sem kallaðist Erpur rappar. Þar var strákur sem ekki var deginum eldri en ellefu ára að rappa um eiturlyf, nauðganir, morð og innbrot. Mér féllust hendur og varð eiginlega mjög reiður að gera þessum dreng þetta! Enn fremur að bjóða börnum landsins upp á þetta! Þetta lag var líklega hálfnað þegar það var kæft með leiðinlega spæjaraleiknum.

Svo tók steininn úr þegar þriðja lagið frá þessum söngkólaruglliði kom. Þar var á ferð lítil stelpa sem ekki hefur verið deginum eldri en tíu ára og hún söng Bæn Guddu. Þar var í stuttu máli sagt frá stelpu sem finnst hún vera feit og biður til guðs að hún fái að fara í megrunarkúr. Stelpuna langar að dansa fallega og vel og því þarf hún að vera með línurnar í lagi. Og svo ég vitni í lokaorð lagsins: Ó guð, ekki láta mig þurfa að dansa í yfirvikt.

Þetta er ekkert nema bein hvatning ríkissjónvarpsins til eineltis. Þeir sem ábyrgð bera í þessu máli hafa reynt að bera klæði á vopnin með því að segja að þessi atriði verði klippt út en fyrir mér er það of seint! Skaðinn er skeður! Hvers eiga börn sem ekki falla inn í staðalímynd um rétt útlit að gjalda? Þessi textalína sem ég vitnaði í áðan verður notuð gegn þeim hvað eftir annað og þau hafa fátt sér til varnar gagnvart miskunnarlausum jafnöldrum sínum. Mér finnst ritstjórn innlendar dagskrárdeildar hafa brugðist hlutverki sínu algerlega og beri að segja af sér hið snarasta! Það er mikill ábyrgðarhluti hvað sent er út til handa börnum og sér í lagi í formi sönglaga!

Ég hvet alla sem þetta lesa til að benda forsvarsmönnum sjónvarpsins á þessi skrif mín sem og öðrum til að koma megi í veg fyrir svona viðbjóður eigi sér stað aftur!

   (227 af 287)  
2/12/04 03:00

Hexia de Trix

Þess má geta að á vef Rúv má yfirleitt nálgast vef upptökur af Stundinni okkar, sem og öðrum innlendum þáttum. Þeir eru hins vegar búnir að taka þátt s.l. sunnudags út af vefnum, og setja í staðinn inn þáttinn sem var viku áður. Kíkið bara, 16. janúar og 23. janúar er sami þáttur!

2/12/04 03:00

Hexia de Trix

(afsakið, "vefupptökur" átti auðvitað að vera eitt orð)

2/12/04 03:00

bauv

Er þetta bara ekki Siggu-Beinteins-söng-peningaplokks-skólanum að kenna?Þu senda póst á Rúv og spyrja hvort þau meiga ekki Bla bla bla,svo þegar verið er ð taka upp þá bara búmm!

Annars á klipparinn að sjá um þetta og reyna einhvern veginn ð redda þessu!

2/12/04 03:01

Limbri

Já bauv, láttu þau heyra það. Þetta er rétt hjá þér greyið mitt. Þú veist sko hvað þú segir.

Annars virðist mér öflugasta (jafnvel eina) mótmæla-aðferðin gegn íslenskum fjölmiðlum felast í að fá fyrirtæki til að hætta að auglýsa hjá viðkomandi fjölmiðli.
Sannfærið fyrirtækin um að auglýsa ekki á sunnudögum á undan né eftir Stundinni okkar, RÚV hegðar sér betur eftir það. Það legg ég orð mitt við.

-

2/12/04 03:01

Fíflagangur

Er einhver að auglýsa í kring um Stundina?

2/12/04 03:01

bauv

Mcdonalds hlýtur að gera það!

2/12/04 03:01

Barbie

Sem betur fer horfðu börnin mín ekki á þennan þátt. Og munu ekki gera í framtíðinni. Ætli RÚV geri eitthvað ef við sendum öll bréf til þeirra, áskorun um að reka Birtu og Bárð?

2/12/04 03:01

bauv

Hvað með að reka Markús!

2/12/04 03:01

Mjási

Rétt Bauv!
Höggva skal að rótum vandans.

2/12/04 03:01

Fíflagangur

Hvað með að gefa skít í þetta, hætta að greiða afnotagjöld (þ.e. þeir sem eru svo vitlausir að gera það) og detta svo ærlega íþað.

2/12/04 03:01

litlanorn

niður með birtu og bárð! legg til að ritstjórn baggalúts verði falið að semja lagatexta og boðlegt efni fyrir börnin okkar

2/12/04 03:01

bauv

,,gefa skít í þetta, hætta að greiða afnotagjöld "Var ég að misskilja þetta en afnotagjöldin fara í það að kaupa senda fyrir litlu bæjarfélögin þannig þau nái sjónvarpinu!

2/12/04 03:01

Jóakim Aðalönd

Þetta er ljótt ef satt er. Niður með svona lagað. Ekki ætla ég að auglýsa á undan S.O.!

2/12/04 03:01

Ívar Sívertsen

Ég er nú þegar búinn að senda mjög harðort bréf þar sem umsjónarmenn, sviðsstjórar og ritstjórar barnaefnis fá kaldar kveðjur frá mér og legg ég það til að þau víki öll úr sínum stöðum og nýtt fólk verði ráðið í staðinn. Ef einhver biður mig að taka að mér að ritstýra S.O. þá skal ég glaður gera það!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!