— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 1/12/04
Afgreiðsla í láglaunabúðum

Bónus, 10-11, Krónan, 11-11 og allt það drasl.

Ég hef undanfarið lent í tómu rugli þegar ég hef verið að kaupa inn. Ég fór í 10-11 um daginn og var með fáar vörur. Maðurinn á undan mér var hins vegar að gera talsverð innkaup og þurfti því augljóslega tíma til að raða í pokana. Hann kvittaði á kortanótuna og hélt áfram á hrikalegum hraða að raða í pokana. Stelpufábjáninn á kassanum byrjaði að afgreiða mig en færði ekki til einhvers konar skábraut sem ætluð er til að skilja á milli varnings tveggja viðskiptavina. Hún bunaði bara mínu í bland við það sem mann greyið var að kaupa. Maðurinn taldi sig vera kominn með allt og gekk á brott en ég sá með mínum árvökulu augum að honum hafði láðst að setja skyrdollu í pokann sinn. Ég kallaði á eftir honum og lét hann fá skyrið, ég sletti því ekki því ég átti ekkert í því. Hann þakkaði fyrir og hafði orð á því að afgreiðslan væri þannig að maður yrði kolruglaður og myndi ekki hvað maður var að kaupa og væri þar af leiðandi smeykur um að taka eitthvað sem maður á ekki. Ég samsinnti honum og fór að raða í minn poka. Ég var hálfnaður þegar ég þurfti að borga og rétti fram kortið. Setti einn hlut í pokann og kvittaði. Á meðan ég raðaði og kvittaði spurði ég stelpugáluna sem afgreiddi mig hvort hún notaði ekki skáspjaldið sem ætlað er til að aðskilja vörur milli kúnna og hún sagði „jújú“ með mikilli vanþóknun í röddinni. Svo byrjaði hún að afgreiða þann næsta og hélt uppteknum hætti og blandaði öllu saman. Ég varð svo hissa að ég átti ekki orð.

Í dag fór ég svo í Bónus og lenti í nákvæmlega sama ferli... nema það var enginn sem gleymdi skyrinu sínu. Ég var að versla talsvert og átti fullt í fangi með að aðskilja mínar vörur frá vörum þeirra sem voru á undan mér og eftir. Það mætti halda að markmið þeirra sem ráða á kassa í þessum búðum sé að starfsfólkið leggi meira upp úr því að segja „Fannstu allt sem þig vantaði“ heldur en að beita almennri skynsemi við afgreiðslu kúnna.

Í mínu starfi sem strætisvagnabílstjóri myndi ekki líðast ef ég færi bara einföldustu og fljótlegustu leiðina milli staða í stað þess að fara þá fyrirfram ákveðnu leið sem mér er ætlað. Að sama skapi finnst mér að afgreiðslufólkið eigi ekki að komast upp með að fara auðveldu leiðina með því að buna öllu í gegnum kassann og heimta svo pening!

   (233 af 287)  
1/12/04 09:00

Skabbi skrumari

Þetta er undarlegt, verð að segja það... en þegar ég ferðast næst með þér Ívar minn, þá ætlast ég til að þú skutlir mér á gistiheimilið því ég rata svo illa...

1/12/04 09:00

Haraldur Austmann

"...við afgreiðslu kúnna"

Hvað kýr eru það?

1/12/04 09:00

Júlíus prófeti

Ég versla nú einstaka sinnum i 10 - 11, og er snöggur að því. Muni ég rétt var nú hvimleið belja í Hagkaupum Kringlunni fyrir nokkrum árum, sem börn á öllum aldri létu stanslaust þylja með eindæmum leiðinlega einræðu.

1/12/04 09:01

Limbri

Ef þú færð ekki þá þjónustu sem þér finnst þú eiga skilið (í samræmi við verð, aðgengi og fyrirfram ákveðið þögult samkomulag milli viðskiptahóps og verslunar) þá skaltu bara beina viðskiptum þínum annað. Það gæti farið svo að þú þurfir að borga örlítið meira fyrir vörurnar ef þú vilt fá betri þjónustu, en hafðu það í huga að oft á tíðum er munurinn töluvert minni en ætla mætti í fyrstu. Ég ráðlegg þér að prufa fleiri búðir og sjá til hvort þér finnist munurinn á lokaniðurstöðu strimilsins vera þess virði að fá allar vörurnar þínar.
Ef þú ert staðsettur í austurhluta Reykjavíkur (t.d. Breiðholti eða Árbæ) eða í Kópavogi, mæli ég með að þú prufir að fara upp á Seljabraut í Breiðholti og prufir að versla í Þín Verslun. Þar færðu eitt það besta úrval gæðakjöts, beint úr kjötborði. Þjónustan þar er eins og í draumi og er yfirleitt ekki svo mikið að gera að starfsfólkið ráði vel við álagið.

Ef þú vilt aftur á móti halda áfram að versla við Bónus og 10-11 og þess háttar verslanir er það þér alskostar í sjálfsvald sett. Passaðu þig bara að láta ekki ræna vörunum frá þér.

-

1/12/04 09:01

Jóakim Aðalönd

Ekki hef ég lent í thessu ennthá. Sem betur fer.

1/12/04 09:01

Hexia de Trix

Fjarðarkaup er best. Þar fæst allt sem hugurinn girnist og kjötborðið er með því besta sem maður hefur séð. Verðið er ekki ósvipað og í Bónus, þegar maður tekur allt inn í dæmið, og þjónustan er til fyrirmyndar. Kassadaman (eða pilturinn) meira að segja býðst til að hjálpa manni að setja í pokann, áður en hún/hann snýr sér að næsta viðskiptavini. Samt gengur allt voða hratt fyrir sig, enda eru svo margir kassar í þessari búð.

1/12/04 09:01

Limbri

Já, þar er ég sammála. Þetta er eiginlega bara spurning um aðgengi/staðsetningu. Ef Fjarðarkaup liggja nærri þá er ekki spurning að fara þangað.

-

1/12/04 10:00

Skarlotta

Þú getur líka bara sleppt því að borga þar til þú ert búin að raða í pokann þá getur hún ekki byrjað að afgreiða næsta mann þannig að þú færða að hafa vörurnar þínar í friði.

1/12/04 10:00

Limbri

Svona nú Skarlotta. Viðskipti verða að ganga í báðar áttir, maður á ekki að ætlast til að fá þjónustu og haga sér svo eins og fífl á móti. Nei, lausnin felst ekki í að fara í einhverja uppreisn inni í Bónus, mun fremur er ráðlegt að færa viðskipti sín annað... eins og ég sagði hér að ofan.

-

1/12/04 10:01

B. Ewing

Lausn vandans er frekar einföld og ég beiti henni óspart á "hraðkassastarfsmenn" þótt ég sé fyrrum kassadama sjálfur. Þá voru settar upp þjónustureglur í gamla Hagkaup um að bjóða "Góðan daginn (fyrstu vikurnar þá kom yfirleitt bara "fuss" frá kúnnanum en nú er þetta algild regla), setja allar viðkvæmar vörur (jógúrt, egg ís o.þ.h.) í glæra poka fyrir kúnnan og síaðst en ekki síst, Hjálpa til við að setja í poka!!! Þessi regla hefur alveg týnst og eina leiðin fyrir kúnnan til að tryggja þessarri reglu brautargengi á ný virðist vera að hreinlega tefja afgreiðsluna (eins dónalegt og það er) sé manni ekki hjálpað að klára.

Húsráðið er þessvegna:

EKKI RÉTTA KORT, PENINGA, EÐA NEITT SEM GÆTI VALDIÐ ÞVÍ AÐ AFGREIÐSLA Á NÆSTA KÚNNA GETI HAFIST FYRR EN ÞÚ ERT SJÁLF/UR BÚIN/N AÐ STJA ALLAR VÖRUR ÞÍNAR Í POKA.

1/12/04 10:01

Gvendur Skrítni

Eða láttu kassakónann fá svokallað "Dud" - kort sem borgar ekki brúsann undir neinum kringumstæðum. Afsláttarkort margskonar eru vel til þessa fallin og einnig sundkort, en einungis sérlega illa gerðir kassakónar falla fyrir sundkortunum.

1/12/04 10:01

Limbri

Þið eruð ókurteist almúgafólk. Skammist ykkar.

Menn eiga bara að passa upp á vörur sínar jafnt sem að hafa þá samvisku að vera ekki að stela vörum annara. Og varðandi það að borga ekki fyrr en lon og don lýsi ég frati yfir þess háttar kerfi og bendi á að þetta er samskonar hugsanaháttur og veldur umferðartöfum. "Ég geri hlutina þegar mér hentar, mér er alveg sama þótt öðrum liggi á." Fólk á bara að gera sitt besta til að láta hlutina ganga hratt fyrir sig og ef það getur ekki passað upp á vörur sínar á það bara ekki að hætta sér út meðal þjófanna (sem eru þá hinir kúnnarnir sem stela vörum) eða hreinlega kæra þá fyrir lögreglu.

Og hananú.

-

1/12/04 10:01

B. Ewing

Limbri.

Sá sem er ein/n að versla í fulla innkaupa körfu nær ekki undir neinum kringumstæðum að fylla plastpoka í kapp við nútíma tölvuvæddann innsláttinn á afgreiðslukassanum. Kassastarfsmaðurinn ÆTTI þessvegna að tryggja "hreint borð" ÁÐUR en næst kúnni er afgreiddur með sínar vörur. Það er mín skoðun, óbreytt frá því ég sinnti afgreiðslustörfum hér áður fyrr.

Til áréttingar þá er nákvæmlega ENGIN töf fólgin í því að starfsmaður verslunarinnar hjálpi hverjum og einum kúnna við að fylla í poka. Samanburðartölur milli innkomu í kassa starfsmanna sýndi það svart á hvítu á mínum fyrrverandi vinnustað.

1/12/04 10:01

Limbri

Ég vil taka það fram að ég hef sjálfur verið "kassadama". Ég þekki vel aðstæður á bakvið kassann.

Nokkuð ljóst er að skoðanir eru nokkuð fastmótaðar og litlar líkur á að menn skipti. Tel ég því að þessum umræðum sé lokið.
En ég vil samt endurtaka þá hugmynd mína að menn prufi aðrar verslanir og sjái hvort þeim líki það ekki betur.

-

1/12/04 10:01

Tigra

Ég sjálf kaupi nú sjaldnast mikinn mat en hann karl faðir minn var að tala um það að hann lenti á kassadömu sem reyndar notaði svokallaða skábraut, en ýtti henni svo harkalega á matvörur pabba að henni tókst að kremja þær og nánast skemma og hún hætti ekkert að ýta heldur kramdi bara meira svo að pabbi varð bálreiður.

1/12/04 10:02

Herbjörn Hafralóns

Mig langar að bæta því við hér að mér leiðist óskaplega þegar kassadömurnar láta færibandið með vörunum ganga lon og don þótt búið sé að skrá allt góssið í kassa. Þetta veldur því að viðkvæm vara lendir í "kremju" eins og börnin segja.
Ég tek hins vegar undir að þjónustan í Fjarðarkaupum er til fyrirmyndar.

1/12/04 10:02

B. Ewing

Sammála Limbra um að sleppa munnhöggvunum, það leiðir bara til hu**.is leiðindatalmáls.
Pabbi Tigru hefur vonandi náð að kremja eihhvað vitlegt í kollinn á þessarri kassadömu með skábraut skemmdanna hjá sér.
Fjarðarkaup er fín búð. Bara að hún væri líka í öðrum hlutum höfuðborgarsvæðisins og með sama gæðastig í úrvali og þessi frábæra hafnfirska er. Þá gæti verið hægt að nýta sér almennilega stór(úrvals)markaði á ný.

1/12/04 10:02

Hexia de Trix

Nei, það æðislegasta við Fjarðarkaup er einmitt hversu einstök þessi verslun er. Það má aldrei "keðja" Fjarðarkaup.
*Rifjar upp þegar Fjarðarkaup voru helmingi minni. Man þá þegar Fjarðarkaup voru annars staðar í bænum, varla stærri en Krónubúðir eru í dag*

1/12/04 11:00

B. Ewing

2 búðir eru varla keðja. Pant fá eina rétt hjá Breiðholtinu takk!

1/12/04 11:01

Ívar Sívertsen

2 búðir eru keðja! Þess vegna má Fjarðarkaup ekki opna útibú! Þeir gætu farið út í heimsendingarþjónustu en 1 Fjarðarkaup og ekki meira!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!