Stefán Hilmarsson og hinir vitleysingarnir í Sálinni hans Jóns míns eru asnar!
Ég hef oft verið að velta fyrir mér textum hljómsveitarinnar „Sálin hans Jóns míns“ og komist að þeirri niðurstöðu að hér er um alls kostar ófullnægjandi kveðskap að ræða. Hér er einungis reynt að ríma með illskiljanlegu eða jafnvel óskiljanlegu bulli sem fæstir myndu hafa gaman af í upplestri. Það er engu líkara en þegar sveitin sú arna var stofnuð að þá hafi verið fyrsta verk Stefáns Hilmarssonar að skreppa út í Bókabúð Braga við Hlemm og kaupa sér tvær bækur, málsháttabók og samheitaorðabók. Svo hefur einhver grillað í hausnum á honum og sagt honum að það sé allt í lagi að snúa málsháttum og orðtökum á haus til að ná fram réttu rími og áhrifum. Sá hefur verið undir sterkum áhrifum ólöglegra fæðubótaefna. Ég legg til að einhver skjótist nú í Kópavoginn til Stefáns og steli málsháttabókinni og samheitaorðabókinni og sjáum þá hvernig textar Sálarinnar verða eftir það. Kannski eins og þegar Bubbi lagðist í bragfræði...
Textahöfundur Sálarinnar er í nærrum því öllum tilvikum hann Guðmundur Jónsson, sem ef mig misminnir ekki leikur á lúður í sveitinni. Ef þú vilt heyra textagerð Stefáns, sem er enn verri en Jóns, þá bendi ég á lag sungið af Kalla Bjarna "Gleðitímar."
,,Það veit enginn hvar við lendum,
á endanum,
það ræðst með tímanum..."
Eru textar sálarinn nokkuð verri en gengur og gerist? Hefurðu prófað að bera þá saman við texta Þorsteins Eggertssonar sem samdi mikið fyrir td Ðe lónlí blú bojs.
Ha? Guðmundur Jónsson er enginn blásari, hann er leikur á strengjahljóðfæri!
Það er hann Jens sem slefar í bogna járnið.
Eða það minnir mig í það minnsta.
Hvað textana varðar þá hef ég ekkert um þá að segja, hef ekki enn lagst yfir þá.
Talaðu varlega um Þorstein Eggerts, Gólíat. Sá maður ætti með réttu að teljast stóribróðir íslenska poppsins.
Lómagnúpur minn... maður sem yrkir MÝVATNSSVEITIN ER ÆÐI, ALLAN SÓLARHRINGINN, ALVEG STÓRKOSTLEGT SVÆÐI, FYRIR ÞENNAN EÐA HINN, MÝVATNSSVEITIN ER ÆÐI, EINSTAKT NÁTTÚRUFAR, FÖRUM ÞANGAÐ VIÐ BÆÐI, EYÐUM TÍMANUM ÞAR ætti að vera með réttu rekinn úr landi fyrir hnoð og leiðindi. Ekki bætir úr skák að lagið er hreind viðbjóðslegt. En mér er nokk sama hver yrkir sálartextana... það á bara að fela allar þessar samheitaorðabækur og málsháttabækur fyrir þeim!