— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 10/12/05
Hneyksli

Tilnefningar til íslensku bókmenntaverðlaunanna vour kynntar í kvöld.

Ég sat í makindum mínum og horfði á snobbhausana láta rigna linnulaust upp í nefnið á sér af merkilegheitum þegar verið var að kynna tilnefningar til íslensku bókmenntaverðlaunanna í kvöld. Þar var vissulega margt góðra höfunda en einnar bókar saknaði ég úr flokki fræðibókmennta og bóka annars eðlis og var það Sannleikurinn um Ísland eftir Baggalút! Hér með lýsi ég algeru frati á þessi verðlaun og úthrópa þau hér með sem samkomu vitlausra snobbara sem hafa ekkert vit á bókum!!!

venlig hilsen

Ívar Sívertssen

   (248 af 287)  
2/11/03 05:02

Haraldur Austmann

Hneyksli! Hneyksli! Hneyksli! Upp með heygafflana!

2/11/03 05:02

Þarfagreinir

Hér þarf að grípa til aðgerða. Legg til allsherjar uppreisnar og upplausnar. Slíkt er alltaf vel til fundið.

2/11/03 05:02

Muss S. Sein

Já... en hvar fæ ég heygaffal?

2/11/03 05:02

Haraldur Austmann

Það er útsala hjá Mjólkurfélagi Reykjavíkur á þeim.

2/11/03 05:02

Vladimir Fuckov

Þetta er reginhneyksli. Sannleikurinn um Ísland ber af í báðum flokkum eins og þeir eru skilgreindir. Þetta kann að virðast undarlegt en ástæðan er sú að ýmsar snobbelítur álíta af einhverjum ástæðum að um skáldskap sé að ræða [Fer að kaupa heygaffla].

2/11/03 05:02

Skabbi skrumari

Nei, nú er nóg komið... Bókabrennur í öllum betri bæjum...

2/11/03 05:02

Limbri

Ég setti tvær bækur í örbylgjuofninn minn í mótmælaskyni. Þetta er náttúrulega meira en hneyxli.

-

2/11/03 05:02

Heiðglyrnir

JÆJA nú förum við í göngu, ekki að það hafi í nokkurn tíma hjálpað, en hreyfingin er góð.

2/11/03 05:02

hlewagastiR

Þetta kallar á hryðjuverk.

2/11/03 05:02

plebbin

það er skítalykt af þessu, nákvæmlega það sama og ég sagði um olíufélögin hér áður fyrr

2/11/03 05:02

Galdrameistarinn

Þetta er algert kjaftæði að láta þessa aðila meta þetta. Dómur götunnar er eini sanni og rétti dómurinn.

2/11/03 06:00

Hildisþorsti

Bækurnar Halldór og Kiljan eru komar í arininn.

2/11/03 06:01

voff

Var að skoða lista yfir vinningshafa og tilnefnda í gegnum tíðina. Ólafur Jóhann Ólafsson, Hannes Hólsteinn Gissurarson, Hallgrímur Helgason, Mikael Torfason, þarf að segja meira. Ef ég man rétt þá er valnefndin alltaf skipuð einhverjum "bókmenntapáfum" sem er þá fólk sem hefur sjálft sent frá sér bækur eða er með bækur í bígerð. Það fer ekkert að styggja útgefendurnar sem eiga aðild að þessu. Þess vegna eru bækur frá óháðum útgefendum útilokaðar. Þess vegna eru tilteknir höfundar með út á nafnið eitt, sbr. t.d. Guðjón Friðriksson, til að tryggja að þeir seljist (hugsunin er þá þessi; "Guðjón er að senda frá sér bók, hana þarf að auglýsa sem vandað sagnfræðirit, ef hún er ekki tilnefnd heldur fólk að hún sé ekki eins vönduð og fyrri bækur hans og kaupir hana ekki"). Æ, er þetta ekki í raun sama fólkið og lét American beauty fá óskarinn en ekki The Matrix.

2/11/03 09:01

Vladimir Fuckov

Og svo var listinn í einum falsmiðlanna í morgun yfir bóksölu fyrir jólin greinilega falsaður, Sannleikurinn um Ísland var þar eigi efstur á blaði (sást raunar hvergi). Vér mótmælum hér með formlega þessari vísvitandi fölsun og skoðanakúgun [Veltir fyrir sér hvort árangursríkara sé að leysa vandamálið með hjálp eliptons eða með því að mynda gamaldags, öskrandi múg vopnaðan heygöfflum]

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!