— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 31/10/03
Sandkassi kennara, sveitarfélaga og ríkis

Skrípaleikur samninganefnda kennara og sveitarfélaga sem og ríkissandkassinn.

Svo ég súmmeri upp það sem gerst hefur.

Það lá fyrir upp úr áramótum að kjarasamningar kennara við sveitarfélögin yrðu lausir í vor. Einnig lá fyrir að kennarar myndu fara fram á verulegar kjarabætur. Af því leiddi að menn sáu fram á harða kjarabaráttu. Í vor þegar svo samningarnir voru lausir þá var byrjað að spjalla saman. Mikið bar í milli og útlit fyrir langa samningalotu. Í júní ákváðu svo samninganefndir að taka sér sumarfrí í 2 mánuði. TVO MÁNUÐI!!! Það mætti ætla á því að samninganefndirnar hafi hugsað sem svo að eftir svo langt frí þá myndu menn segja „Já, það er satt hjá þér, ég sé það núna“ þegar komið yrði að samningaborðinu á ný. En aldeilis ekki. Menn sögðu „Þið eruð ennþá sömu fábjánarnir og við ætlum sko ekkert að gefa eftir heldur bara bæta í!“ Og svona til að bæta gráau ofan á svart þá ákváðu kennarasamningarmenn að boða til verkfalls 20. september til að vera nú alveg öruggir um að vera með einhvern þrýsting.

Svo kom haust og skólarnir byrjuðu. Krakkar og kennarar voru að komast á skrið í skólastarfinu þegar allt í einu er sagt „Ekkert hefur gengið á samningafundum sem hafa verið sárafáir þannig að nú er verkfall“ og vessgú allir heim. Svo leið og beið og svo kom þó að samninganefndir fóru að hittast daglega og ástæða var til að ætla að eitthvað gengi. En svo gerist það í gær að fundi er slitið þar sem allt of mikið ber í milli – enginn fundur hefur verið boðaður. En ríkissáttasemjari sagði að hann ætlaði að heyra í deiluaðilum í vikunni og athuga hvort vilji væri fyrir hendi að hittast.

Er ekki allt í lagi?!? Auðvitað áttu samninganenfndir ekki að una sér hvíldar í vor fyrr en samningur var í höfn. Auðvitað áttu samninganefndirnar að hittast fyrr til að ræða þessi mál. Þetta fólk sem situr í samninganefndum kennara og sveitarfélaga gerir sér ekki grein fyrir því hvaða áhrif þetta kann að hafa á þjóðfélagið í heild sinni. Kennarar sem standa tæpt fjárhagslega fá enga samúð hjá bönkunum og því lenda þeir í tómu veseni [þ.e.a.s. kennararnir], Einstæðir foreldrar sem ekki hafa efni á fullum heildagsskóla, hafa ekki tök á að taka barnið með sér í vinnuna og á enga að í grenndinni sem geta litið eftir barninu á vinnutíma á það á hættu að missa vinnuna vegna mikilla fjarvista frá vinnu vegna verkfalls. Samninganefndirnar þurfa engar áhyggjur að hafa þar sem laun þeirra eru á borð við það sem Gunnar Birgisson [Kópavogsdrynjandinn] nefndi sem meðallaun kennara í viðtali á Rás 2 í dag.

Sjálfur vinn ég meðal fólksins og er verð mikið var við grunnskólakrakka sem vita hreint ekkert hvað þeir eiga af sér að gera. Ég hef orðið var við að krakkar eru að drekka í miðri viku og ég hef líka séð krakka í annarlegu ástandi hér og þar um bæinn. Þessir krakkar eiga hvergi höfði að halla á daginn. Eirðarleysið er algert sem leiðir til þess að agaleysið verður gífurlegt. Krakkarnir gera allt til þess að fá athygli.

En hvar liggur vandinn? Jú, fyrir þó nokkrum árum ákveður ríkisstjórn Davíðs Oddssonar að nú sé nóg komið af rekstri grunnskóla á vegum ríkisins. Best að skella þeim á sveitarfélögin. Sveitarfélögin voru ekki spurð. Loforð kom frá stjórninni um að sveitarfélögin fengju ríflega þá upphæð sem skólarnir fengu á meðan þeir voru hjá ríkinu. Það var svikið. Skólastjórar voru búnir að biðja um aukafjárveitingar í nokkuð mörg ár þegar skólunum var varpað á sveitarfélögin. Hvað er svo að gerast? Jú, ríkisvaldið er búið að setja nokkur sveitarfélög í fjárhagslega gjörgæslu. Af hverju skyldi það vera? Jú auðvitað vegna þess að það er verið að varpa sífellt fleiri rekstar- og framkvæmdaliðum yfir á sveitarfélögin án þess að þau fái nokkuð frá ríkinu.

Til að börnin okkar fái þá menntun sem þeim er ætlað að fá þá verður ríkið að taka sig saman í andlitinu og hækka greiðslur til sveitarfélaganna vegna grunnskólarekstrar.

Ég skora á ykkur kæru Baggalútsnotendur og lesendur alla að mótmæla þessum vinnubrögðum kröftuglega. Það eru ekki laun og vinnuskilyrði kennara sem eru aðalatriðið lengur, það er geðheilsa barnanna í landinu, framtíðar Íslands.

   (267 af 287)  
31/10/03 12:00

Haraldur Austmann

Mæltu manna heilastur Ívar Sívertsen.

31/10/03 12:01

Nafni

Þetta er hverju orði sannara.

31/10/03 12:01

bauv

þeta er eins og kennari skrifi þetta er foreldri.

31/10/03 12:01

krumpa

Já, góður pistill. Finnst ekki að kennarar og foreldrar eigi að vera í stríði sem andstæðar fylkingar en verð þó að segja að ég missti endanlega alla samúð með kennurum þegar ég sá á hverju undanþágurnar voru byggðar. Vona nú samt að úr leysist sem fyrst (2-3 vikur eftir samt, held ég...).

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!