Formaður knattspyrnu- og keðjureykingasambands Baggalútíu. Þriðji yngstur af fjórum systkinum og þekktur af samreykingamönnum sínum sem "Strompurinn".
Fræðasvið:
Öll helstu málefni líðandi stundar,líkamleg.
Æviágrip:
Skóarasonur, fæddur í Noregi á síðasta aldarfjórðungi nýliðinnar aldar í miklum vetrarhörkum og einkennist ritstíll hans nokkuð af þeim erfiðu aðstæðum. Þriðji yngstur af fjórum systkinum sem sjá þurftu fyrir heimilisrekstri með sölu á mold og stráum,þar sem faðir þeirra yfirgaf fjölskylduna og hélt til Mexíkó í leit að frægð. Semmning nam Vatnsfræði,með póstmóderníska húsamíð sem aukagrein, við viðskiptaháskólann í Kristiansand en var rekinn á miðju öðru ári, vegna slælegrar mætingar. Fluttist þá ásamt aldraðri og síkvefaðri móður sinni til Sogndal þar sem hann starfaði sem afgreiðslumaður í Ísbúð um fimm ára skeið áður en hann fluttist til Íslands,með von um frama sem kvikmyndastjarna.