— GESTAPÓ —
SlipknotFan13
Nýgræðingur.
Dagbók - 1/12/04
Sannleikurinn um Baggalútinn?

Ég var í sakleysi mínu að væflast inn á Kaffi Blút síðla seinustu nætur er ég leit undarleg tákn klóruð krúttlega, því sem næst dúllulega í skítinn við eldhúsinnganginn.
Eftir ýmsar tilfæringar náði ég að krafla mig í gegnum skriftina sem var mjög dúlluð og því erfið lestrar. Einnig hafði augljóslega verið gengið í táknin og þau, að mér sýnist, vísvitandi skemmd svo gestir geti ekki ráðið þau.
En að lokum gat ég lesið út úr þeim -
"X brenndi Y og Z lokar á miðnætti!"

Táknin set ég inn fyrir þau orð sem ég hef enn ekki náð að ráða, en hver veit nema það muni takast með tímanum. Ég er í það minnsta að róta í rykugum kistlum og koffortum lútsins, grafandi í gömlum þráðum og hornum sem enginn hefur hreyft við í áraraðir í leit minni að Sannleikanum um Lútinn.
Þrátt fyrir ítrekaðar tilraunir tókst mér ekki að fá annað en undanbrögð og látalæti frá gestum og vert Kaffi Blúts þetta kvöld. Einn gestur gekk meira segja svo langt að hallmæla æðstu stéttum Baggalútíu og var augljóslega mikið niðri fyrir. Þetta vekur auðvitað með mér enn meiri ástríðu til að komast að hinu sanna.
Og það mun ég gera innan tíðar, ég skal komast að því hvað það er sem leynist innst inn í myrkustu skúmaskotum Baggalúts. Því skal ég ykkur lofa...

   (1 af 13)  
1/12/04 13:01

Ísis

Jahá...kannski löngu tímabært. Þú gætir jafnvel gefið út bók: "Sannleikurinn um Baggalút". Þú gætir stefnt á metsölulistan fyrir næstu jól.

1/12/04 13:01

voff

Nei nei, þetta er bara "Mene, mene, tekel pares" sem Guð páraði á vegginn á Kaffi Blút í einhverju fyllerýi. Það dugar lítið að vera almáttugur þegar menn (og guðir) eru búnir að missa sig á Rommkvöldi Krossins.

1/12/04 13:01

Nornin

Æi er ekki kominn tími á að sannleikurinn líti dagsins ljós?
*Neitar samt að vita nokkuð*

1/12/04 13:01

litlanorn

oh, nú verð ég forvitin! *hoppar um af æsingi*

1/12/04 13:01

Galdrameistarinn

Eingin launung á ferðinni nokkursstaðar. Þessi tákn sem SlipknotFan13 talar um eru heillarúnir sem ég skar til að koma í veg fyrir að hægt væri að skemma mat í eldhúsinu á Kaffi Blút. Ekkert dularfullt við þessar rúnir.

1/12/04 13:02

SlipknotFan13

Hrmpf! Ég sé að það er eitthvað sem þú ert ekki að segja mér Galdrameistari! Hvað er það sem Júlía gerði?! Hvers vegna er Bauvið snöktandi við barborðið sérhvert kvöld?! Hvers vegna var þráðurinn sem Tinni vísaði í tómur?! Það er eitthvað rotið hér!!

1/12/04 14:00

kolfinnur Kvaran

haha ég veit leyndarmálið. En mér var mútað til að segja ekki frá *blikkar Galdrameistarann*

1/12/04 14:00

Galdrameistarinn

*Glottir* Bauv er alltaf vælandi nema þegar hann tekur þessi frekjuköst sín. Stundum verður maður jú svolítið fúll út í ráðamenn okkar, en það er ekkert sem endist til langframa. Svo er ekkert að rotna hér, þessi fýla er af þér SlipknotFan13. Farðu í bað.

1/12/04 14:00

Hexia de Trix

Sannleikurinn mun koma í ljós um síðir *glottir*

1/12/04 14:00

Skabbi skrumari

Lifi Sannleikurinn... Lifi Baggalútur...

1/12/04 14:00

Dr Zoidberg

*ropar* Já, lifi málsvari sannleikans... Lifi Baggalútur.

1/12/04 14:01

Heiðglyrnir

Það skemmtilega við leitina að sannleikanum, er það að leitin skiptir meira máli, en það hvort hvar og hvenær hann er fundinn.

1/12/04 14:01

SlipknotFan13

Pff, ég stend ekki í þessu. Þegar ég er kominn í 600 innlegg þá hætti ég þessu bulli.

1/12/04 15:00

SlipknotFan13

Nei... fíknin er of sterk.. ég höndla ekki Lútleysi! Ég get það ekki!! [brotnar niður og grætur eins og barn]

SlipknotFan13:
  • Fæðing hér: 3/1/04 22:22
  • Síðast á ferli: 23/12/22 23:23
  • Innlegg: 1
Eðli:
Æm djöst a normal gæ hú læks Pína Kóladas and getting köht in þe rein...
Fræðasvið:
Númetalískst spjátrungspopp og tíska unglingsstúlkna á ofanverðri 21. öld.
Æviágrip:
Ungur fæddist, ekki látinn enn.