Heyra má á fréttum síðustu misseri að rigningaleysið í sumar hafi haft þær afleiðingar að það þvag sem drukknir skemmtanaglaðir einskalingar í miðbæ Reykjavíkur hafa látið frá sér fara utandyra, hafi ekki skolast í burtu.
Nú er bragarbót á. Lögreglan hefur tekið sér lögin í hendur og sektar þá sem pissa út við húsvegg...eða út á miðri götu. Næst þegar ég fer niður í bæ og drekk aðeins of marga bjóra mun ég gæta þess sérstaklega í "alsgáðu" ástandi mínu að pissa áður en ég fer út af skemmtistaðnum. Nú eða þá að drekka minna og dansa meira.
Og þó, því nú hefur stigið fram hinn alsgáði og þrælskýri Gísli Marteinn borgarfulltrúi sem bláedrú hefur orðið vitni að skrílslátum og haftaleysi landans og hugsað: Við lifum í dásamlega frjálsu þjóðfélagi. Hann leggur fram tillögur um að hinir frjálsu og drukknu menn skyldu fá betri salernisaðstöðu utandyra. Lögregluofríki er Gísla Marteini ekki að skapi.
Ég er ekki allveg að sjá fyrir mér að upp rísi salernisklefar hér og þar út um allan miðbæ. Það yrði mikil lýti og túristar klóra sér á hausnum á daginn yfir gjörningslegum arkitektúr borgarinnar.
Nei ég held að málið sé að nýta reynslu bílastæðagrafaranna og grafa skyldi upp gatnamót Bankastrætis og Lækjargötu og búa þar til risastóra salernisaðstöðu þar sem fólk getur gengið niður hér og þar í miðbænum (vá loksins eins og í útlöndum, maður getur gengið um undirgöng). Þar getur fólk pissað undir góðu eftirliti, það getur allveg eins pissað fyrir framan öryggismyndavélar eins og að pissa út á miðri götu. Síðan er trappa upp að biðröðinni að leigubílunum. Pottþétt skipulag.
Það er allavega klárt mál að glasalyftingar er eina íþróttin sem íslendingar hafa áhuga á að slá heimsmet í...ef íþrótt skyldi kalla. Búið ykkur undir miklar framkvæmdir í miðbænum næsta vor.
Fjúff, þetta var ekki um stærðfræði.
Er núllið ekki annars lokað í augnablikinu?
Á menningarnótt kom ég heim og einhver úthverfavillimaðurinn hafði losað um blöðruna á útidyrnar á húsinu mínu...
Ég verð eiginlega að viðurkenna að ég hef miklu meiri áhuga á stækkun núllsins í stærðfræðilegum skilningi.
Mér finnst bara fáránlegt að það sé bannað að losa hland á almannafæri. Hvort snýst þetta um að það er verið að banna fólki að míga á eignir annara eða það er verið að vernda blygðunarkennd almúgans? Sé það hið fyrra þá ætti ég að mega míga á eigið hús (sem dæmi) og sé það hið seinna þá hlýt ég að mega míga svo lengi sem ég passa að enginn sjái á mér félagann.
Nei, það er eitthvað að klikka í þessari lögreglusamþykkt.
-
Má ekki bara pissa í tjörnina?
Þannig gæti G.M. slegið tvær flugur í einu höggi og losnað við máfanna.
Gísli reddar málunum, alveg eins og Villi. Engin fjárans umræðustjórnmál, heldur aðgerðir, og hananú! Skítt með það hversu vitrænar þær eru!
Ég legg metnað minn í það að míga úti.
Núllið í álverinu er allveg nægilega stórt það er bara stútfullt af einhverju drasli.
Það er aldeilis uppi á þér pisstillinn...
Stórgóð hugleiðing, & sannarlega orð í tíma töluð.
Það mætti vel safna hlandinu í tanka og endurvinna það.
Öl, vín, spítt, kók, ellur, sterar og kannabis. Þetta er aldeilis ekki dónaleg blanda.
Ég skal búa mig undir framkvæmdir. Það verður reistur peningatankur á Arnarhóli!