Ég er alveg yfir mig ánægður með þennan titil hjá mér. Mér finnst hann svo grípandi og skemmtilegur að ég verð eiginlega að nota hann á næstu bók sem ég gef út. Annað væri bara synd.
Vínber og skúffukaka er ágætis bland. Svo ég tali nú ekki um með ísköldu undanrennuglasi. Ég er ekki hræddur við að viðurkenna það að ég drekki undanrennu. Það er ekki af neinum heilsufarspælingum heldur einfaldlega vegna þess að hún rennur best niður að mínu mati. Sérstaklega með skúffuköku.
Mig langaði bara til að deila þessu með ykkur. Vonandi höfðu þið gaman af.
Ég veit að þetta er ekki innihaldsríkasta færsla í heimi en ég bara varð að koma þessum ótrúlega sniðuga titli á framfæri. Kannski skrifa ég eitthvað gáfulegra næst. Efast samt um það.
NAUHAUTS !! Undanrenna - ojbara ? Það á bara að drekka nýmjólk með kökum - eða kannski rjóma... namminamminamm
Fjandinn hafi það, annað hvort mjólk eða vatn. Ekki hvoru tveggja í einu. ojbara
Kjaftæði, undanrenna ísköld og síðan hnausþykkt kaffi með rjómablandi, bæði með skúffukökum og öðrum kökum. Og RegnHundur, aldrei að afsaka sig á ritvellinum, það er eitt af því fá sem ég lærði í skóla.
Takk fyrir það Golíat. Ég myndi ekki ganga svo langt að segja að ég væri að afsaka mig í þessari færslu þrátt fyrir að benda á hversu innihaldsrýr hún er. Athugasemdin er samt tekin til greina og ég stend með undanrennunni minni, sama hvað hver segir.