Þegar ég kíkti inn á Baggalút í gærkveldi, brá mér heldur í brún því á einum þræði voru menn farnir að skiptast á ógeðfelldum "bröndurum" sem fjölluðu m.a. um kynferðislega misnotkun barna. Ég svaraði þessu og hótaði að benda lögreglunni á þetta og þá brá svo við að sá sem hafði sagt grófasta brandarann eyddi því innleggi sínu.

Að sjálfsögðu voru þarna aðallega á ferðinni hinir nýju meðlimir spjallsins en fleiri komu við sögu. Kynferðisleg misnotkun barna er aldrei fyndin og getur aldrei orðið efni í brandara hjá venjulegu fólki - einungis hálfvitum sem réttast væri loka inni á viðeigandi stofnunum ævilangt. Í besta falli.

Ég legg til að friðargæsluliðar taki sig til og eyði innleggjum þessara bjána jafnóðum og þau birtast - mikil vinna og yfirlega þykist ég vita en svo er komið að hér er varla vært lengur.