Sökum aldurs er ég nú kominn á seinna gelgjuskeiðið. Öðrum barndómi lauk í síðustu viku þegar ég uppgötvaði að mér þótti ekki vænt um bangsa lengur. Á föstudagskvöld greip mig ólýsanleg löngun til að fara og hanga í sjoppunni, sem ég og gerði. Fílaði mig alveg í tætlur og eyddi laugardeginum í það að rusla til í herberginu mínu. Mótþróaskeiðið seinna er hafið og hef ég lýst frati í soðinn fisk, útivistartíma og skólagöngu. Mamma er í vægu sjokki.