ringo: Nafnorð. Samnafn. Merkir einhvern sem er rosalega frægur en samt ekki nærri því eins frægur og allir aðrir í nánasta umhverfi hans (sem samanstendur iðulega af 3-7 manns - en eru í undantekningartilvikum fleiri eða færri). Ef einhver er skilinn útundan í hóp þá er það Ringo. Ringo er sá sem er alltaf gert grín að og hrekkir beinast gegn en er (yfirleitt) leyft að vera með í hópnum til að geta haldið þeirri starfsemi áfram.

yoko: Nafnorð. Samnafn. Frægari en ringo en er alltaf kennt um allt sem illa fer og fær aldrei að vera með.

- - -
Ringo Baggalúts: Myglar.
Ringo eiginmanna Guðrúnar Ósvífursdóttur: Þorkell Eyjólfsson (sá fjórði)
Ringo Fjölnismanna: Brynjólfur Pétursson
Ringo forseta Íslands: Sveinn Björnsson
Ringo fyrstu tunglferðarinnar: Michael Collins.
Ringo G8-efnahagsveldanna: Ítalia
Ringo Geirfinnsmálsins: Guðmundur.
Ringo Halla og Ladda: Halli.
Ringo heilagrar þrenningar: Heilagur andi.
Ringo heimsálfanna: Antartíka.
Ringo íslensku húsdýranna: Geitin.
Ringo kóladrykkjanna: RC-kóla (áður: Klettagos, Ískóla, Spur o.s.frv.)
Ringo kynjanna: konan.
Ringo kynsjúkdómanna: Flatlús.
Ringo landvættanna: Gammurinn.
Ringo neðsta vítis Dantes: Cassius.
Ringo orðflokkanna: Atviksorð.
Ringo póstnúmeranna: 103.
Ringo Ríó tríós: Ágúst Atlason.
Ringo síðustu forsetakosninga: Þessi með norska hreiminn.
Ringo Stóra-Bretlands: Wales.
Ringo tenóranna þriggja: José Carreras.

- - -
Yoko allra forsetakosninga: Ástþór Magnússon
Yoko bókstafa í íslensku: z
Yoko Erkienglanna: Satan.
Yoko Gaulverjabæjar: Óðríkur algaula.
Yoko Spaugstofunnar: Randver Þorláksson.

- - -

Ef ég nenni þá bæti ég góðum viðaukatillögum úr orðabelgjum við þennan lista. Af hverju þetta er félagsrit en ekki þráður? Athyglissýki.