— GESTAPÓ —
Félagsrit:
Júlía
Nýgræðingur og  skriffinnur.
Pistlingur - 4/12/04
Beðið eftir Sannleikanum

Um væringar á Fréttastofu

Eins og alþjóð veit eru fréttamenn RÚV ári hreint ósáttir við hinn nýja yfirmann sinn, Auðun Georg Ólafsson. Hann hefur að þeirra sögn látið að því liggja að út um allan bæ bíði vaskir menn eftir að ganga í störf gömlu fréttahaukanna, verði þeir áfram með múður og leiðindi.

Þetta eru sannarlega gleðitíðindi. Allir þeir sem lesið hafa Lútinn vita, að hér starfa fremstu fréttamenn þjóðarinnar - já, veraldarinnar; menn sem eru óhræddir við að segja sannleikann, hversu sár og ótrúlegur sem hann annars er. Ég styð Auðun fullkomlega í baráttu hans við heimaríka fréttahunda sem urra á alla þá gesti sem að garði koma.

Íslenska þjóðin bíður í ofvæni eftir að heyra hljómfagrar raddir Enters, Spesa, Núma, Myglars og Kaktuzar á ný í útvarpi. Þá fyrst fáum við að heyra Sannleikann. Þá fyrst verður ráðist að rótum spillingar. Þá fyrst getur maður farið að treysta Fréttastofu útvarps.

   (10 af 59)  
4/12/04 01:01

Hakuchi

Stórkostleg tíðindi. Það var kominn tími til að losna við þessa sjálfhverfu, innræktuðu kommauppskafninga á 'frétta'stofu Rúv.

Lifi Sannleikurinn!

4/12/04 01:01

Vladimir Fuckov

[Ljómar upp] Þetta væru frábær tíðindi.

[Hlustar á útvarpið] Grrr... óvinir ríkisins (eða Ríkisútvarpsins ?) komu í veg fyrir að þetta yrði að veruleika.

4/12/04 01:01

Hakuchi

Já. Fjárinn. Bölvuðum kommunum tókst að leggja greyið Auðunn í einelti og hrekja hann burt með barnalegum yfirgangshætti. Þá verður bið eftir Sannleika í útvarpi.

4/12/04 01:01

Júlía

Fréttamenn Útvarpsins hafa ekki lengur mitt traust. Þeir fóru langt yfir strikið.

Ég trúi engum, nema mömmu og ritstjórn Baggalúts.

4/12/04 01:01

Þarfagreinir

Vil ég benda á að þessi mæti maður heitir Auðun.

4/12/04 01:01

Hakuchi

Æ, já. Auðun. Asnalegt.

4/12/04 02:01

Steinríkur

Mér finnst nú samt skrítið hjá h0num að hafa ekki skrifað undir ráðningarsamninginn áður en hann hætti.
Þá hefði hann eflaust fengið milljóna starfslokasamning frá ríkinu fyrir vel unninn störf þennan erfiða vinnudag.

Júlía:
  • Fæðing hér: 1/11/03 17:16
  • Síðast á ferli: 22/5/06 23:57
  • Innlegg: 0
Fræðasvið:
Matarmenning.
Æviágrip:
Líf mitt er eins og lokuð bók. Hins vegar neyðist ég til að segja eitthvað vilji ég halda aukamyndinni minni inni.
Þetta fallega hálsmen fékk ég t.d. í sumargjöf 1997. Annað þarf fólk ekki að vita.