Um nýútkomnar bækur
Nýlega bárust mér í hendur þrjár nýútkomnar bækur: Kormákur og kattþeytillinn, Snorkóforkur og undarlega plánetan og síðast en ekki síst, Týnda prinsessan. Allar eru þær úr bókaflokknum Snjallræðasögur. Sögurnar eru um margt ólíkar, en eiga það allar sammerkt að þar takast höfundarnir á við grundvallarvandamál mannlegrar tilveru á listrænan og skorinorðan hátt. Persónusköpun er ákaflega vel heppnuð, hver söguhetja er dregin skýrum dráttum svo þær vakna ljóslifandi til lífsins á síðum bókarinnar. Bygging hverrar sögu er markviss og hnitmiðuð og greinilegur stígandi í frásögninni, svo lesandinn er hugfanginn frá fyrstu síðu til hinnar síðustu. Glæsilegar myndir prýða bækurnar og texti og myndir haldast í hendur þannig að úr verður ein heild.
Bækurnar eru sannarlega hvalreki á fjörur allra þeirra er unna góðum bókmenntum, íslensku máli og myndlist.
Það er ósk mín og von að höfundarnir haldi áfram á sömu braut og láti meira frá sér heyra í framtíðinni.