Vegna bráðsnjalla uppfæringa gefst mér nú kostur á að rita misvitrænar hugleiðingar og þakka ég umsjónarmönnum "vef sannleikans" fyrir.
En um hvað er æskilegt að rita? Er réttast að halda úti einhvers konar dagbók, skrifa niður allar sínar ferðir og um uppákomur í mínu tilbreytingalausu lífi? Telst það kannski fýsilegra að rita niður niðrandi ellegar faguryrði um vissa einstaklinga og með því að nota uppfæringuna sem grundvöll fyrir ýmiss níðrit eða upphefningar?

Sjálfur veit ekki fyrir víst um hvern andskotann ég mun skrifa í náinni framtíð, mögulega mun einhver líkna mér í þeim efnum með skýrmæltum leiðbeiningum, en þó fagna ég því innilega að vera kominn yfir þá hindrun sem fyrstu skrif geta verið, það hefir löngum verið þekkt hversu erfitt er að byrja.

Þakka þeim er höfðu þolinmæði í að lesa þetta bölvaða rit og biðst ég afsökunar, því það er engum manni hollt að lesa langar og tilgangslausar langlokur. En næsta færsla verður vonandi betri, þá mun ég vera búinn að gera upp hug um hvað ég skal skrifa.

Þakkir, enn á ný