Framkvæmdirnar á Suðurgötu
Hvenær ætlar þessum viðurstyggilegu framkæmdum á Suðurgötu að ljúka?!
Ég er kominn með nóg af því að keyra alltaf allan helvítis hringinn í kringum tjörnina til þess eins að geta fleygt mér í rúmið!
Svo þykjast þeir núna ætla að grafa upp einhvern djöfulinn þarna við hringtorgið! Nei, halló kallarnir mínir. Þetta bara hreinlega gengur ekki! Einhvernveginn verð ég að geta komist heim til mín án þess að þurfa að keyra út í jaðar veraldar og aftur til baka!
Þegar ég var að vinna í byggingarvinnu í forðum vorum við miklu fljótari að þessu. Það eina sem heftir umferðina á þessari götu er eitthvað djöfuls rusl hér og þar og einhverjar fáeinar óuppfylltar holur!
Pakkið nú nestinu ykkar inn í álpappírinn góða og djöfulist til þess að klára þetta!
Letingjar - Eintómir fokkings letingjar.
Já ... svo eru svona framkvæmdir út um allt núorðið. Það er varla hægt að keyra 100 metra í Reykjavíkinni án þess að rekast á alvarlega tálma sem orsakast af vegaframkvæmdum.
Þetta er ekkert annað en skandall!
"ÞAÐ ER GOTT AÐ BÚA Í KÓPAVOGI" sagði maður nokkur og eru það orð að sönnu.
Þetta eru aldeilis þarfar framkvæmdir. Ég tölti á tveimur jafnfljótum upp í Háskóla um daginn og fór þá Suðurgötuna og virðist sem þeir hafi hækkað götuna upp þannig að nú er maður með gott útsýni yfir hinn gullfallega Suðurgötukirkjugarð, þannig að nú er hægt að virða t.d. fyrir sér leiði Sigurðar Breiðfjörð án þess að þurfa að æða inn í garðinn sjálfan. Hér áður fyrr minntu háir og drungalegir veggir kirkjugarðsins frekar á innganginn á kastala Drakúla. Ný Suðurgata færir manni betri tilfinningu fyrir hinum framliðnu, því þeir eru jú víst fólk eins og við hin, þó svo að þeir láti lítið á sér bera...nema hjá Þórhalli.
Þeir eru sem sagt að reyna að sporna við djöfullegum nautnum í kirkjugarðinum...