Rokksjóvið í Egilsbúð á Nesi
Fór um liðna helgi á Rokksjóið hjá Jassklúbbnum BRJÁN í Egilsbúð. Og varð ekki fyrir vonbrigðum. Fyrir það fyrsta, þjónustan á borðhaldinu og maturinn var fyrsta flokks. Hraði, öryggi, kurteisi og kunnátta er einkunn þjónustunnar. Matreiðslan fær hæstu einkunn. Hreindýrapaté í forrétt, verulega ljúffengt. Svínahryggvöðvinn með bakaðri kartöflu og grænmeti var vel heppnaður g ekki spillti ábótin sem öllum var boðin. Eftirrétturinn toppaði þó það sem á undan var komið. Ef ég á að finna að einhverju þá var það að ekki var boðið upp á kaffi á borðin á eftir herlegheitunum, en engri veislumáltíð er að fullu lokið fyrr en kaffið og koníakið er komið til síns heima.
Þegar veisluföngunum hafði verið rennt niður hófst sýningin; Glímt við þjóðveginn. Rann hún ljúflega áfram við frábærar viðtökur gesta sem sungu og dönsuðu með, jafnvel upp á stólum. Tókst jafnt hljómsveit sem söngvurunum vel upp. Bestar voru þó undirtektirnar við söng Ál-Smára Geirssonar, forseta bæjarstjórnar Fjarðabyggðar. Eflaust má deila um lagavalið en þemað var íslensk dægurlög síðustu áratuga síðustu aldar. Fyrir hlé vorum við á sveitaballi en eftir hléið skelltum við okkur á útihátíð í Eiðavík. Var dagskráin tengd saman á leikrænan hátt sem setti skemmtilegan svip á hana. Lög Brimklóar, Stuðmanna, Geirmundar, Skriðjökla, Sólstrandargæjanna, Dúkkulísa ofl ofl hljómuðu vel og hressilega í flutningi þessara ágætu listamanna.
Takk fyrir mig, mæti aftur að ári.
Mikið djöfull eru stelpurnar á Norðfirði annars fallegar. Annað en karlarnir.
Rosalegt að missa af þessu... sammála með stúlkurnar að austan, þær eru bjútí...