— GESTAPÓ —
Golíat
Heiðursgestur.
Pistlingur - 31/10/03
Hvar voru Kanarnir þá?

Ömurlegar fréttir af níðingsverkum Saddams, fyrrum sérlegs vinar Bandaríkjamanna í Mið-Austurlöndum.

Þeir sem heyrðu hádegisfréttir RUV af fjöldagröfum með líkum Kúrda í Írak, ættu að rifja upp hvað umheimurinn gerði þegar Saddam stóð fyrir þessum voðaverkum. Ekkert. Nema Tyrkir, þeir lokuðu landamærum sínum fyrir Kúrdunum þannig að þangað gátu þeir ekki flúið. Auk þess hafa Tyrkir ofsótt Kúrda innan sinna landamæra og strádrepið þá.
Núna eru Tyrkir sérlegir vinir Bush og hans manna og Kaninn rekur áróður fyrir því að Tyrkjunum sé hleypt inn í EU/ESB. En ein aðalástæðan fyrir árásinni á Írak í fyrra var meðferðin á Kúrdum.
Einhverra hluta vegna botna ég ekkert í þessu, gerið þið það kæru félagar?

   (25 af 30)  
31/10/03 13:01

Vladimir Fuckov

Sjaldnast eru mál þessi einföld en mottóið "óvinir óvina minna eru vinir mínir" virðist oft eiga vel við.

31/10/03 13:01

krumpa

Bandaríkjamenn auk þess sérlega fljótir að gleyma hverjir eru vinir og hverjir óvinir (fer eftir olíuverði - og ekki svo langt síðan Saddam sjálfur var besti vinur aðal.

31/10/03 13:01

Hakuchi

Greyið Kúrdarnir hafa farið illa úr realpólítik heimsveldanna í gegnum áratugina.

Vil minna á að Tyrkir hafa verið bandamenn Vesturlanda í marga áratugi, m.a. með veru sinni í Nato. Það tengist þeirri stefnu Ataturks heitins að halla Tyrklandi frekar að nútímavæðingu og veraldarvæðingu stjórnkerfisins í stað þess að sökkva í fen ofsatrúar. Nú má deila um árangur Tyrklands í þeim efnum. Víða er pottur brotinn í mannréttindaefnum, sérstaklega gegn Kúrdum. Hins vegar hafa stjórnvöld markvisst bætt árangur sinn í þeim efnum á síðustu árum, með betrumbótum á lagaramma o.fl. Helsti hvatinn hefur verið möguleg innganga í EU. Ég vil endilega sjá Hundatyrkjann ganga í EU, þótt síðar verði. Þeir verða að laga ýmislegt en það er glapræði að fæla Tyrki frá Evrópu, þessi fjölmenna og volduga þjóð gæti þá hallað sér að einhverru miklu verra á borð við það sem sést í Saudí Arabíu.

31/10/03 14:01

Glúmur

Jaaaá, ég er nú ekki búinn að gleyma Tyrkjaránunum skal ég segja ykkur. Þessar Tyrkjalufsur eiga sko ekki upp á pallborðið hjá mér, réttast væri að smala saman nokkrum víkinganinjum og skipuleggja ránsferð til Tyrklands. "Íslendingaránið" það hljómar skemmtilega [ljómar upp]. Það væri kjörið að skipa snöggvast árásaráðherra, þetta gæti verið hans fyrsta verk!

Golíat:
  • Fæðing hér: 13/10/03 10:42
  • Síðast á ferli: 4/2/19 13:04
  • Innlegg: 7464
Eðli:
Haldinn óþolandi samkeppnisanda.
Fræðasvið:
Garðvísindi, mótauppsláttur og almennir hleypidómar.
Æviágrip:
Prestssonur frá Stökustað í Sinnisveit. Byrjað þar að sitja fé og spinna ull 6 vetra. Fór til sjós 12 vetra að loknu 3 mánaða ströngum farskóla. Er þar enn, enda í góðu plássi hjá Birni "tryllta" Böðvarssyni á teinæringnum Hafgúunni frá Dritvík.