— GESTAPÓ —
ruxpin
Nýgræðingur með  ritstíflu.
Gagnrýni - 31/10/03
The boy who kicked pigs

Bókin The boy who kicked pigs e. Tom Baker

Bókin fjallar í stuttu máli um Robert Caligari, afar illskeyttan ungan dreng sem er mannhatari og hefur gaman af því að sparka í svín og þegar engin eru svínin þá sparkar hann bara í sparigrísi, svínakótilettur og beikon. Eftir að hann lendir í hræðilegu beikonsamlokutengdu slysi þá snúast hlutirnir til verri vegar...

Bókin lítur út fyrir að vera barnabók, hún er þunn og ríkulega myndskreytt (það eru myndir á annarri hverri blaðsíðu, oft mjög fyndnar) og afar fljótlesin. En efnið sjálft og hvernig höfundurinn tekur á því er ekkert fyrir börn, a.m.k. ekki undir fermingaraldri. Sjálfri fannst mér oft erfitt að lesa bókina og sjaldan á ævinni hefur ein bók skilið mig eftir jafn orðlausa og sjokkeraða.
Þetta er nú ekki merkileg gagnrýni og lítið hægt að rekja söguþráðinn í svona stuttri bók en mig langaði bara til að vekja athygli fólks á þessari bók, hún gefur manni skemmtilegan viðbjóðshroll auk þess að vera fyndin og hvað er skemmtilegra en það?

   (1 af 2)  
31/10/03 20:02

Hakuchi

Var hann mannhatari? Er ekki nær að segja að hann hafi verið svínahatari? Góð og gagnorð gagnrýni annars.

31/10/03 20:02

ruxpin

Nei, í rauninni hatar hann mannfólkið meira en nokkuð annað, svínasparkið er meira svona óútskýrð árátta. Get varla sagt meira nema kjafta frá söguþræðinum.... ekki vill maður nú gera það.

31/10/03 20:02

Skabbi skrumari

Mér líst vel á þessa bók... finnst hún í bókasöfnum eða bókabúðum hér á landi eða verður maður að panta hana að utan?

31/10/03 20:02

ruxpin

Ég fékk hana á Borgarbókasafninu... en það þýðir nú ekki að rjúka þangað strax, ég er ekki búin að skila henni...

31/10/03 21:01

voff

Manni dettur strax í hug Davíð Oddsson þegar maður heyrir þennan söguþráð.

ruxpin:
  • Fæðing hér: 12/10/03 22:09
  • Síðast á ferli: 12/10/06 23:37
  • Innlegg: 1
Eðli:
Bangsagrey, er ekki með mynd á bumbunni, það eru kærleiksbirnirnir. Breytist heldur ekki í ofurhetju, það er Super Ted.
Bestu vinir: Bárður uppfinningamaður og Gormur risalirfa.
Fræðasvið:
Japanska annars vegar, ólyfjan, eiturefni og annar viðbjeðer hins vegar. Amatör í hunangsgerð.
Æviágrip:
Fæddist í furuskógi og hefur fátt merkilegt gert síðan, var reyndar frægur í barnasjónvarpi á árunum 1988-1990.