Fyrir bragfræðinerði vil ég benda sérstaklega á sjöundu hendingu fjórða erindis og þriðju hendingu fimmta erindis, þar sem fram koma stuðlar á áhersluatkvæðum innan í ósamsettum orðum. Fyrir nokkrum misserum fór fram nokkur rökræða um slíka stuðlun á hinum mæta skólastofuþræði og ku flestir mér ósammála um að svona stuðlun skuli heimila. Mér er hins vegar alveg sama og nota hana samt.

Langar mig og að nefna, sem dæmi um samskonar stuðlun mér æðra skálds, fyrstu tvær hendingarnar í fyrstu fjórum erindum verks þess, sem þetta kvæði hér er hermt eftir.

Gangi þér vel!

Þú brillerar Pó!

Já, þetta er athyglisverð stuðlasetning. En mikið skil ég þig að yrkja frekar en að lesa skruddurnar.
Ég átti krónubauk einu sinni, og oft þegar ég átti einmitt að vera að gera eitthvað annað, þá hvolfdi ég úr krónubauknum, sorteraði þær eftir ártölum, taldi hve margar í hverjum árgangi og lét eins og þetta væri merkilegra en námsbækurnar. En þá kunni ég ekki að yrkja.

Úbbs, gleymdi að hrósa kvæðinu, þetta er ágætt kvæði.

Mér finnst ekki nóg af stuðlum innan í ósamsettum orðum. Ef það væri meira af þeim, þá fengi þetta sko fullt hús.
En ef þú nærð prófunum, þá færðu samt fullt hús.

Ertu snaróður maður ? Prófin eiga helst ekki að koma. Óþolandi árstími.

Mér finnst þetta alveg prýðisfínt. Var þetta ort á fjórða degi milli facebook færslna og forsíðumyndabreytinga? Í straffinu eða kaffinu? Aaa prófin. Sem betur fer LÖNGU búin.

Tómas Guðmundsson lærði líka lögfræði en bar þó gæfu til að hætta að praktísera hana, þegar skáldskapargyðjan vildi fá hann í fasta sambúð. Þú lendir kannski í svipuðu vali einhvern daginn. Þú hefur altént sýnt góða tilburði í ljóðagerð og þetta kvæði er þar engin undantekning.

Næst þegar ég fer í meiðyrðamál við Lappa út af Skammast í bundnu, fer ég fram á að þú takir að þér lögfræðilega hlutann fyrir mína hönd. Og að allur málflutningur verði í bundnu. Afbragðsgóð og hressandi aðventulesning. Nú mega fleiri kvæði koma fyrir mér.

Þetta er dásamlegur stuðlunarmáti. Það ætti að varða við lög að nota hann ekki.

Prófatíminn var alltaf besti tími ársins á námsárum mínum. Sofið út flesta daga og annars legið upp í bæli og lesið. Inn á milli skemmtilegur spurningaleikur í boði ríkisins. Þetta fannst mér alltaf unun.

Tókstu þátt í spurningarkeppni framhaldsskólanna hlewagastiR?

Þetta kvæði er skemmtilegasta nýorta kvæðið,
sem ég hef lesið lengi.
Lagatæknar sveigja og beygja lög og reglur.

Takk fyrir góðan lestur, fer héðan sælli en ég kom.

Þetta er stórskemmtilegt, hafðu þökk fyrir!