Baggalútur

— GESTAPÓ —

Pó

Heiðursgestur.

Sálmur - 1/11/08

Öxlin hans afa

Afi Árnason hringdi í mig á dögunum og sagðist vera með yrkisefni. Þannig var að gömlu hjónin höfðu boðið vinafólki sínu í mat upp í bústað og var, eins og þeirra er siður, grillað læri í holu. Ásamt lærinu svolgruðu gamalmennin í sig rauðu víni úr spænskri „belju“. „Allt skal þetta koma fram í kvæðinu!“ heimtaði afi. Eftir matinn fóru afi og vinur hans í göngutúr upp á dal og komu að illa brúuðum skurði. Þegar afi átti eitt skref óstigið yfir skurðinn skrikaði honum fótur, svo hann féll í skurðinn. Afleiðingin varð útúrsnúningur á öxl. <br/>Núna, þegar öxlinni hefur verið kippt í liðinn, segir afi hana betri en nokkru sinni.

Oft, er stígum ævidans
eitthvað markvert gerist
eins og þegar öxlin hans
afa úr liðnum snerist.

Minning um það lifir ljós
(ljótt jú annað væri).
Úti á palli, uppi í Kjós
átu holu-læri.

Þau drukku, sól uns settist þar
og supu margir hvelju;
því guðdómlega vínið var
víst úr spænskri belju.

Upp á dal var haldið hratt
og hér skal fest á prenti
að oní skurðinn afi datt -
og á hvolfi lenti.

„Svona“, sagði hann, „fer sem fer,
féll nú góður drengur.
Mér er ljóst að öxlin er
ekki í liðnum lengur.“

Nú var fyrir skildi skarð
en skrítið þótti mikið
að bjöguð öxlin bara varð
betri fyrir vikið.

(12 af 25)

9/12/08 17:02

Hugfreður

Afi Árnason á sjálfsagt eftir að hlægja dátt yfir þessu. [Lyftir kaffibollanum upp til fögnuðar og fær sér sopa]

9/12/08 17:02

Regína

Haha, góður, og vel yrkjandi líka.

9/12/08 17:02

Garbo

Skemmtilegar vísur.

9/12/08 17:02

Álfelgur

Þetta er snilld!

9/12/08 18:01

krossgata

Skemmtilegt. Verður, geri ég ráð fyrir, vinsælasta ríman á fjölskyldumótum í bústaðnum hér eftir.

9/12/08 18:01

Z. Natan Ó. Jónatanz

Sannkallaður glæsibragur, & bráðskemmtlegur að auki.

9/12/08 18:01

Leiri

Létt og kliðmjúkt eins og lækur á björtum sumardegi.

9/12/08 18:01

Útvarpsstjóri

Asssgoti gott.

9/12/08 18:02

Grýta

Snillingur ertu að koma öllu sem afinn vildi, fram í kvæðinu.
Svona líka hnitmiðað og auðlesið.

9/12/08 19:00

hvurslags

Það er alltaf jafn gaman að lesa kveðskap eftir þig, enda er hann í ákveðnum standard. Hafðu kæra þökk fyrir vísurnar.

9/12/08 19:01

Jóakim Aðalönd

Stórfínn kveðskapur. Skál og prump!

9/12/08 19:01

Huxi

Góður kveðskapur. Létt og áreynslulaust.. Skál...

Pó:

Fæðing hér: 22/9/08 01:50
Síðast á ferli: 22/5/22 23:24
Innlegg: 2331

Eðli:

Áhugamaður um hitt og þetta.

Fræðasvið:

Hitt og þetta.

Æviágrip:

Borinn í Rvk og verið þar síðan með undantekningum.