Baggalútur

— GESTAPÓ —

Pó

Heiðursgestur.

Sálmur - 6/12/08

Skáldið, sem nennti ekki að yrkja

Nú get ég ekki orða bundist.
Ó, mér hefur lengi fundist
erfitt hug minn visna að virkja -
verða sífellt meir að yrkja.

Mér það vekur vondan leiða
að vaða stuðladjúpið breiða.
Grafa í mosagróna þanka -
grípa í tóman orðabanka.

Sí og æ með orð að bruðla,
en sú mæða að finna stuðla,
afla ríms og réttra orða
úr ræfilslegum orðaforða.

Ég alla daga veð í villu
á verulega rangri hillu,
því fátt er leiðinlegra en það
að láta stuðlað rím á blað.

(15 af 25)

6/12/08 07:01

Regína

Fátt er skáldi skemmtun meiri
en skrifa rím og hrær'í leiri,
auka hratt sinn orðaforða,
alltaf stuðul réttan skorða.

6/12/08 07:02

hvurslags

Takk fyrir enn eitt gæðakvæðið.

6/12/08 07:02

Billi bilaði

Fínt.

6/12/08 07:02

Z. Natan Ó. Jónatanz

Listavel ort um skemmtilega þversagnakennt mótív . . . Skál !

6/12/08 07:02

Upprifinn

Svo hjartanlega sammála.

6/12/08 07:02

hlewagastiR

Gersemi ertu, Pó.

6/12/08 01:00

Garbo

Mikið er ég fegin að þú nennir að yrkja. Það er hrein unun að lesa sálmana þína.

6/12/08 01:00

Bölverkur

Þetta er nú bara allt að því brilliant. Húrrum húrrasis.

6/12/08 01:01

Vladimir Fuckov

Þetta var stórskemmtilegt. Skál !

6/12/08 01:02

Skabbi skrumari

Yndislegt... Skál

6/12/08 17:00

Jóakim Aðalönd

Ömurlegt! Fíflið sem nennti ekki að yrkja, væri réttari titill!

Pó:

Fæðing hér: 22/9/08 01:50
Síðast á ferli: 22/5/22 23:24
Innlegg: 2331

Eðli:

Áhugamaður um hitt og þetta.

Fræðasvið:

Hitt og þetta.

Æviágrip:

Borinn í Rvk og verið þar síðan með undantekningum.