Konan hefur hreiðrað um sig í sófanum,
undir skærri birtu lampans.
Ljósið vísar prjónunum leið
í gegnum steingrátt garnið.
Hún er að prjóna mjúka húfu á drenginn sinn.
Gleraugunum hefur hún lyft upp á ennið
og marglit serían á jólatrénu,
sem stendur í hinum enda stofunnar,
er úr fókus.
Þögult vopnaglamur og hróp í sjónvarpinu,
en rigningin strýkur rúðurnar.
Blessuð rigningin.
Í því slitnar músastiginn niður úr loftinu.
Hundarnir líta upp.
Kyrrð.