Á þessu elskaða vef er svo margt hægt að gera sér til skemmtunar að annað eins er vandfundið. Nokkrar hugdettur hef ég fengið sem ég mun ekki framkvæma því ég er svo góður strákur. Hef ég búið til lítinn lista yfir hluti sem ég hef lofað mér að gera ekki þrátt fyrir að einhverja skemmtun gæti fengið af því. Listinn er ekki tæmandi.
Ég lofa sjálfum mér því hér með að:
Ég mun ekki kveðast á í teningahöllinni.
Ég mun ekki búa til alter-egó að nafni Færeyski tígrisdýragleypirinn þótt það freisti mjög.
Ég ætla ekki að stofna heldur alter-egó að nafni Stefán Friðrik Stefánsson og afrita færslur hans af moggablogginu og birta hér sem félagsrit. Stefán er Úlfamaður moggabloggsins.
Ég ætla ekki að yrkja lyklaborðaljóðið sem mér datt í hug og gæti talist sem skot á háttvirta ritstjórn... Enter Insertar Alt, Controlar Shortcutum Spaceaður. Scrollar Numi Lockum, Tabar Deleríaður Endanum.
Ég ætla ekki að fá litlu systur mína til að spila mafíuleikinn fyrir mig undir mínu nafni þó það yrði mjög fyndið.
Ég hef lofað sjálfum mér því að vera ekki með undirskriftina ,,Á einhver Smint handa mér, nauðsynlegt!"
Alter-egóið Greiningarþurfi verður ekki stofnað af mér. Né Ekkifari, Garðastræti 33, Greinilegaþurfi, Sjarmi eða Annna Pana.
Góðar stundir.
Hahahaha.
Færeyski tígrisdýragleypirinn hefði verið ÉTINN!
Í einum munnbita!
Kannski þrem ef ég gæfi Tuma og Tígra með mér.
Ég las Greinilegaþurfi fyrst sem Greinileggjaþurfi og var að velta því fyrir mér hvort það væri sérstök tegund innleggja þegar það rann upp fyrir mér að ég hafði lesið þetta vitlaust.
Fallegt samt af þér að játa svona hugsaðar syndir.
Já og þú átt eftir að lofa að breyta þér ekki í Dulinn sem tælir einmana konur í vitleysur netheima.
Ég get ekki fengið þig til að lofa því að búa ekki til Skrabba eða Skúbba... því það hefur hvort sem er verið búið til...
Bíddu við... ertu að segja að drög okkar að laginu Space Bar Oddity sé þá lélegur djókur? [strunsar út af sviðinu og skellir á eftir sér]
Ég verð ekki rónni fyrr en þú lofar að stofna ekki alteregóið Galdrakuklarinn.
[Nagar neglurnar upp að olnboga]
Fyrst þú ætlar ekki að gera neitt af þessu þá get ég stolið öllum þessum hugmyndum og verið frumlegasti Gestapói frá upphafi vega. [ Finnst hann vera frumlegur]
Ég á mér aðeins eina lífsreglu sem múrari nokkur færði mér:
Aldrei að kúka í kalkpoka.
Þessari lífsreglu hef ég fylgt dyggilega síðan þá og hefur mér vegnað vel fyrir vikið.
Nei, þessi eina dugar mér í það minnsta. Ég ráðlegg hverjum sem er að taka upp lífsregluna að kúka ekki í kalkpoka. Það veit bara á gott.