— GESTAPÓ —
Urmull_Ergis
Nýgræðingur.
Pistlingur - 1/12/03
Beitarþol ríkissjóðs.

Hugleiðing.

Beitarþol ríkissjóðs.

-Kári kynlegi mun að óbreyttu slá upp tjaldbúðum í ríkiskassanum. Frestur til þess að leggjast í röfl yfir fyrirhugaðri ríkisábyrgð er runninn út.
-Þessi ríkisábyrgð er aðeins uppá litlar 200 milljónir dollara, sem er náttúrulega ekkert til þess að röfla yfir.

-Eftir ofurlitla umhugsun komst ég að því að fyrir þessu eru fordæmi, á Íslandi er allur fjandinn með ríkisábyrgð. Ef ekki peningalegri, þá lagalegri. Kvótakerfið er dæmi um lagalega ríkisábyrgð. RÚV er bæði með lögverndaða og peningalega ríkisábyrgð. Þjóðleikhúsið er með peningalega ríkisábyrgð.

-Nú til þess að gera langa sögu stutta, þá er þetta svokallaður pilsfaldakapitalismi. Slíkur kapitalismi þykir eiga við þegar um er að ræða menningarstarfssemi, slíkt er apa eins og mér jafnvel skiljanlegt. Hitt vefst þó fyrir mér hví í “heitbrenndu” einkarekið apparat eins og Íslensk erfðagreining rekur sig ekki á eigin forsendum. Það þarf ekki að minna á þá, sem keyptu hlutabréf í þessu lufsukompaníi, og töpuðu í framhaldinu stórfé. Ber ekki að skilja það sem styrk úr vasa almennings.

-Nei takk, þessi loftkastali í Vatnsmýrinni má fara á syngjandi rassgatið fyrir mér.
Kjósi Kári kynlegi að flytja erfðagreiningarappiratið sitt úr landi, þá er honum það velkomið. Þetta er jú frjálst land, og algjörlega ólíðandi að menn fljóti hérna upp í landsteina og leggist á beit í ríkissjóði.

   (8 af 23)  
Urmull_Ergis:
  • Fæðing hér: 13/9/03 10:15
  • Síðast á ferli: 5/2/12 21:25
  • Innlegg: 2
Eðli:
-Af fágætri tegund gabbapa, sem eiga uppruna sinn á Súmötru. Skottlausir, en vel vaxnir niður, grænleitir, skapstyggir, matfrekir og málóðir.
-Listelskir og sístarfandi. Öpum þessum hættir til nymphomaniu og ofdrykkju.
Fræðasvið:
-Umhverfisalfræði. -Fjöldi skrifaðra vísindagreina um gulrætur, auk tímamótaritraðarinnar Rollur sem gæludýr.
Æviágrip:
-Minnisleysi einkennir gabbapa, því lifa þeir við þann misskilning að þeir séu nýfæddir á hverjum degi. Því eru æviágrip óþekkt meðal þeirra.