Ég hef alltaf haldið að þessi dómur væri um hvort fólk hefði lifað guði þóknanlega eða ekki, og satt að segja þá efast ég um að frómt trúleysi sé dæmt verra en oflátungshátturinn hjá sumu trúuðu fólki. En hvað veit ég ...

Ég óska öllum gleðilegs og góðs og farsæls
heimsendis.

<Íhugar að stofna heimsendisþjónustu>

Ég fékk heimsendingu í dag.

Frá eldgosinu?

Iss piss. Það átti að koma heill heimsendir kl:18.00 en svo kom bara eitt ómerkilegt gos. Svo ætlast Guð til að maður trúi að hann sé almáttugur. Það var kannski ekki við öðru að búast úr þeirri áttinni. Sjáið bara hversu óhönduglega honum tókst að velja sér uppáhalds þjóð. Valdi Ísrael þegar hann hefði getað valið Svíþjóð...

Guð hefur ekki sagt mér frá neinum heimsendi, né að hann hafi ekki valið Svíþjóð, þannig að ég er ekki alveg að kaupa þetta hjá þér, Huxi.

Mér sýnist guð vera að sýna gæsku sína með því að láta bara koma gos svo við getum klárað leikinn fyrst.

Nákvæmlega. <Fer að telja atkvæði>

Átti þetta að vera klukkan þrjú? Var þetta ekki klukkan sex alveg óháð því hvar menn væru staddir? Þ.e. klukkan sex hvar sem er í heiminum? En raunar hef ég engar sannanir fyrir því að heimsendir sé ekki kominn og farinn.

Enn eitt dæmið um getuleysi Guðs til að framkvæma eitthvað. Núna er þessi máttleysislega tilraun hans til að valda hörmungum, (Grímsvatnagosið), búinn. Ég held að Hann ætti bara að snúa sér að fímerkjasöfnun eða englaklámsframleiðslu og afhenda Mammoni völdin formlega. Hann ræður hvort eð er öllu...

Guð er víst til. Finnar urðu heimsmeistarar í íshokki.

Til hamingju Kiddi!

Leiðinlegt að segja frá því að ég missti af heimsendinum. En einhverstaðar sá ég að honum hefði verið frestað til 21 október.

Hvenar sem þessi heimsendir kemur, þá er ég búinn að panta íbúð í Nangiala. Hvæsi Ljónshjarta verður hetja.