Þó að ég myndi seint viðurkenna ágæti George W. Bush sem forseta þá finnst mér óvarlegt að tengja alla þá slæmu hluti sem gerst hafa í Bandaríkjunum beint við hann. Þetta hefur verið hræðilegur áratugur fyrir það land, satt best að segja, með óskiljanlegu og ógeðslegu stríðsbrölti í Mið-Austurlöndum, einkar slæmum fellibyljum, hryðjuverkaárásum af áður óþekktu kalíberi, fjármálakreppu o.s.frv. Bush ber óneitanlega nokkra ábyrgð á þeim reginskyssum sem Bandaríkin hafa framið síðustu ár. En mér finnst óhuggulegt ef sú er raunin að hann einn og sér geti gruflað svo afgerandi í heimsmálunum. Enginn einstaklingur ætti að fá svo mikil völd.

Aftur á móti hefur repúblikönum (og bandarískum stjórnmálamönnum yfirhöfuð) tekist að drulla á sig á alþjóðavettvangi. [dæsir mæðulega]

Ég sá myndina W. og hef fengið örlítið mildari sýn á GWB, áður fannst mér hann vera illa innrættur fábjáni, nú finnst mér hann bara fábjáni.

Já þrjár plágur af sjö er ekkert svo agalegt. Mér myndi bregða ef allt fylltist af engisprettum og elsta sveinbarn í hverri fjölskyldu dæi án skýringa. Jú það er ástæða til bjartsýni og legg ég því til að við við förum öll út á stræti og dönsum fugladansinn.

Sammála Jarma. Hann er ekkert svo vondur, hann er bara kjáni...

[Fer út á götu og dansar andadansinn, öllum viðstöddum til mikillar furðu]

( fer út á götu og dansar kósakadansinn)

W er náttúrulega kjáni. En það var ólíkt betra að vera í Bandaríkjahreppi í hans valdatíð en í tíð hórkarlsins Clintons. Vinnandi almenningur hafði það betra, þó svo letingjar og eymingjar sem voru búnir að svíkja sig á ríkisspenann muni ætíð minnast Clintons sem mikilmennis.