Þetta er allt í lagi ég verð hvort eð er svo gamall þegar þetta gerist að ég hef engar áhyggjur.

Þvert á móti, ef ekkert er gert mun þetta gerast innan 10 ára.

Vjer höfum víða orðið varir við þann misskilning að Golfstraumurinn muni stöðvast á næstu 10-15 árum en það er eigi rjett. Þarna er um að ræða rugling við þann tíma (10-15 ár) sem gæti hugsanlega tekið fyrir hann að stöðvast (eða fyrir mjög mikla kólnun að verða hjer af einhverjum ástæðum) - ef það gerist.

Núnú, ágætt að vita það.

Vel mælt félagi Stalín með þínu riti get ég nú borið höfuðið hátt og kallað mig Stalinista.

Ávallt gott að eignast stuðningsmenn.

Skondið að Arnie sé að tala fyrir umhverfisvernd. Svo rúllar hann um á eiturspúandi bensínþambandi Hummer. Og hann á nokkur stykki !!

Jamm, hann heitir eigi Tortímandinn að ástæðulausu.

Gróðurhúsaáhrifin eru ekkert annað en lygar færeyskra kommúnista sem dreymir um að geta svalað valdafýsnum sínum undir yfirskyni ,,umhverfeisverndar'' í stað ,,réttlæti öreiganna'' í gamla daga.

[Keyrir burt á bensínspúandi lúxusskriðdrekanum sínum]

Hringið í Heklu og spyrjið um VW Touran Ecofuel bílana, þeir eru ódýrir miðað við búnað (2,6m), þeir eru rúmgóðir, öruggir (fimm stjörnur), umhverfisvænir og þeir ganga fyrir íslensku eldsneyti(!!) - sem er unnið úr sorpi (metan) - og kostar talsvert minna heldur en díselolía - bílarnir eru yfir 100 hestöfl og ef metanið klárast þá er líka bensíntankur sem dregur um 100 km. Ég er sjálfur alvarlega að íhuga að veðsetja mig fyrir svona bíl.

[Keyrir yfir vetnisstrætóinn]

Týpískt nýliða félagsrit.

[Kemur á 1500 tonna skriðdrekanum sínum]

Engar áhyggjur! Þessi gengur auðvitað fyrir plútóníum.

Það er ágætt að vekja umræðu um þessa hluti og ég er þakklátur Stalín fyrir það. Það eru hins vegar a.m.k. tvær hliðar á þessu máli.

Vissulega er að hlýna á Jörðinni. Það er líka varla véfengjanlegt að mannskepnan hjálpar til við hlýnun hnattarins, en hvort henni er alfarið um að kenna, eða hún á lítinn þátt í þeirri hlýnun, er svo sannarlega umdeilt.

Á Júratíma var umtalsvert hlýrra á Jörðinni en í dag. Hverju var þar um að kenna? Ekki var maðurinn til þá. Rannsóknir hafa leitt í ljós að andrúmsloft Jarðar tekur breytingum og jafnvel stakkaskiptum á skömmum tíma, þegar sá gállinn er á Móður Náttúru.

Fregnir sem herma að allt sé að fara til andskotans á innan við áratug eru sprottin af ,,vísindamönnum" sem vilja vekja athygli á sér á neikvæðan hátt. Hinu má ekki gleyma að líka eru öfgamenn í hina áttina sem segja að ekkert sé um að vera af mannavöldum, en það er alls ekki rétt heldur.

Reynum að vera svolítið hófsöm í þessari umræðu og játum að maðurinn hefur látið til sín taka í hlýnun Jarðarinnar, en viðurkennum um leið að þegar Móðir Náttúra tekur ákvörðun, mun mannskepnan ekkert hafa um hana að segja. Sjáið bara alla jarðskjálftana, eldgosin og flóðin sem dynja yfir okkur á ári hverju. Við eru gjörsamlega bjargarvana gagnvart náttúrunni þegar hún sýnir mátt sinn og megin.

Skál!