— GESTAPÓ —
rúnin
Óbreyttur gestur með  ritstíflu.
Pistlingur - 1/12/06
Stór dagur í íslenskri réttarsögu

Í fyrsta skipti í sögu réttarríkisins Íslands hefur sá atburður gerst að maður, nánar tilgreindur Guðmundur oft kenndur við Byrgi, hefur kært konu fyrir nauðgun.

Gróa á leyti þykist þó vita um fleiri dæmi um atburði sem tilefni gætu gefið til slíkrar kæru en hefur það ekki fengist staðfest.

Talsvert er síðan lögunum var breytt frá því að brotaþolar gátu aðeins verið kvennmenn og brotlegir aðeins karlmenn og fór Guðmundur þar fremstur í flokki þeirra sem vildu breyta lögunum, enda um mannréttindamál að ræða.

Aðspurður segist Guðmundur lengi vera búin að víða eftir tækifæri til að nýta sér þessa nýju réttarstöðu sína en ekkert gengið.
Hafi hann m.a. reynt svokallaða "drottnunarleiki" eða "BDSM" í von um að einhver mótleikenda hans myndi ekki láta af leiknum þegar hann gæfi merki, en ekkert hafi gengið. Hann hafi jafnvel reynt að múta stúlkum í hans umsjá til að fremja nefndan verknað með bílum, skartgripum og pelsum, án nokkurs árangurs.

Hvað varðar fullyrðingar hans um það atvik sem hann er búin að kæra núna skal engin afstaða tekin enda má telja að um talsverða eigin sök sé að ræða í þessu tilviki þar sem, miðað við fyrri tilraunir af hans hálfu, allt eins líklegt megi teljast að nauðgunin hafi verið framkvæmd fyrir vilja og með samþykki þolandans (Guðmundar).

   (1 af 1)  
1/12/06 18:01

B. Ewing

Sekur þegar sekt er sönnuð, saklaus þangað til. Þannig á kerfið að virka.

1/12/06 18:01

Dula

http://b2.is/?sida=tengill&id=212229

1/12/06 18:01

krossgata

Fer ekki best á að allir þessir brotaþolar og meintir brotamenn útkljái þessi mál í réttarsölum? Ekki langar mig til að sjálfskipaðir siðaáttavitar og gatan verði dómstóllinn i þessu landi, það þrátt fyrir að gagnrýna megi lög og refsilöggjöf í landinu.

1/12/06 18:01

Nermal

Mitt álit er að hann sé að grípa þarna í hálmstrá. Maðurinn einfaldlega kann ekki að skammast sín. Þikist vera svakalegur Jésúkall með einkaumboð frá stóra kallinnum uppi. Er ekki eitt boðorðið "Þú skalt ekki drýgja hór" ? Hann á konu en var samt að skrattast á öðru kvennfólki..... Hann verður dæmdur á efsta degi AMEN!!

1/12/06 18:02

Blástakkur

Ég öfunda hann af allri illmennskunni.

1/12/06 18:02

Regína

Æji, Nermal. Þarna ertu einmitt kominn í götudómstólinn.

1/12/06 19:00

Upprifinn

Ég legg til að við bönnum okkur að tala um svona kjaftæði.
.
.
Nei annars þá væri gestapó ekkert.

1/12/06 19:00

krossgata

Þó mér finnist að brotaþolar og brotamenn eigi ekki að reka sín mál í fjölmiðlum, þá verður það að segjast að það er samt brotið blað í réttarsögunni þegar karlmaður kærir fyrir nauðgun.

1/12/06 19:01

Nornin

Ég ætla bara að leyfa mér að vera í dómstóli götunnar í þessu máli.

Þessi maður á ekki að fá að ganga laus. Myndbandið sem gekk um allt í gær, sýnir svo ekki verður um villst, að maðurinn var ekki undir áhrifum neinna lyfja.
Hann snéri sér sjálfur við eftir að böndin voru leyst af honum, án aðstoðar eða skipana. Hann barðist ekki á móti þegar hann var bundinn aftur. Hann stundi ekki bara og umlaði, heldur talaði við stúlkuna.

Getur manneskja sem er undir áhrifum smjörsýru gert þessa hluti?
Eftir því sem ég veit best, þá gerir hún fólk algjörlega meðvitundarlaust og lítið er víst hægt að tala og hreyfa sig í því ástandi.

Afsakið dómhörku mína og 'skilningsleysi' en þessi maður er að leika sér að dómstólum og gera lítið úr dómgreind landsmanna með þessu háttarlagi.

Saklaus þar til sekt er sönnuð er heilagur sannleikur, en ég held að Guðmundur í Byrginu sé búinn að sanna það fyrir löngu að hann er ekki saklaus. Og þá hlýtur hann að vera sekur.

1/12/06 20:01

Hakuchi

Svei, það er eins og öll þjóðin hafi komist yfir þetta myndband nema ég.

Mér finnst ég skilinn út undan.

1/12/06 20:01

krossgata

Ég hef ekki myndbandið heldur, reyndar hafnaði ég boði um að fá það sent. Eitthvað var sýnt í fréttum og brot sá ég hjá vinnufélaga. Mér finnst þetta myndband ekki snúast um þá glæpi sem maðurinn er sakaður um og skipta litlu máli í málinu, nema kannski fyrir konuna sem kærir fyrir einn glæpinn.

1/12/06 20:02

Hakuchi

Og hvað? Var hann í hlutverki Ironmaster? Var þetta í anda sverðafantasíu mynda 9. áratugarins?

1/12/06 21:00

krossgata

Hmmm. Ég myndi segja gólftuskuhlutverk... Sverðfantasía, sá engin sverð, fantaskap? Álitamál. En ef ég man rétt er hægt að sjá fréttatímana á netinu.

2/12/06 00:01

Ísdrottningin

Gróa á LEITI.
Hafa skal það sem sannara reynist.

rúnin:
  • Fæðing hér: 2/12/06 18:12
  • Síðast á ferli: 5/2/07 17:13
  • Innlegg: 17
Eðli:
Löglærður heiðingi