— GESTAPÓ —
Í uppáhaldi:
Félagsrit:
Billi bilaði
Heiðursgestur og  sagnaþulur.
Gagnrýni - 31/10/05
LEIKHÚSGAGGRÝNI III.

Hjer á eftir fer gaggrýni á síðustu uppfærslu Leikhúss Billa Bilaða.<br /> Sýnt var verkið “Billi Bilaði tekur slátur”.<br />

Nú í kvöld var frumsýnt nýjasta leikrit Billa Bilaða, “Billi Bilaði tekur slátur” og verður gaggrýnandi að segja að hann hefur aldrei lent í öðru eins. Jeg var, eins og venjulega á fremsta bekk, en það reyndist mjer dýrkeypt. Einhver hafði skilið eftir bananahýði á miðju sviðinu og varð það til þess að aðalleikari sýningarinnar missti fullan pott af blóði beint yfir mig, og næstu gesti.
Svona lagað nær náttúrlega ekki nokkurri átt, og mun undirritaður aldrei aftur sækja svokallaðar leiksýningar í Leikhúsi Billa Bilaði. Upp á svona framkomu er ekki bjóðandi. Í svona áhættuleikhúsi er lágmarkskrafa að tryggja öryggi leikhúsgesta.
En þar sem jeg er ráðinn til þess að gagnrýna þessar sýningar, þá sat jeg undir þessum hroða til enda, og mun nú fjalla um verkið.

Sviðsmynd var að venju einföld, en hentaði þó vel atburðarrásinni. Ljós og búningar voru eins og í fyrri verkum, enda virðist leikhúsið ekkert læra af þeim mistökum sem fram hafa komið í fyrri sýningum.
Eins og áður sagði þá skvettist blóð yfir leikhúsgesti undir lok fyrri þáttar, og var því endir hans fremur snubbóttur. Það verður þó að segja leikhúsinu til hróss að það brást hratt við og bauð upp á þrif í hljei; en það hlýtur að hafa komið niður á veitingasölunni.

Þegar undirritaður kom aftur í salinn var búið að breiða plast yfir sætin, og var það frekar kljent.
Það var greinilegt á leikaranum að honum hafði brugðið nokkuð við áfallið fyrir hljeið; og þó að hann reyndi að láta á engu bera varð þetta til þess að hann missti öll tök á leikverkinu og leikmununum, og festist í hakkavjel stórri sem átti að nota við sláturgerðina. Ekki tókst að bjarga leikaranum og virðist hann hafa endað daga sína þarna á sviðinu. Því verður ekki sjeð að hann geti komið fram í fleiri sýningum, og er það vel.

Að sýningu lokinni var leikhúsgestum veitt áfallahjálp; en reikna má með að Leikhúsið verið kært fyrir vanrækslu og að háar bótakröfur verði lagðar fram. Það er víst að undirritaður mun hafa samband við færustu lögfræðinga strax á morgun.

Samantekt:
Leikritið “Billi Bilaði tekur slátur” sem sýnt var í Leikhúsi Billa Bilaða í kvöld fær 0 stjörnur. Svona lagað á ekki að bjóða venjulegu fólki upp á, og vona jeg að leikhúsinu verði lokað samstundis.

Með blóðugum kveðjum,
Gaggrýnandinn.

   (98 af 101)  
31/10/05 22:02

Þarfagreinir

Þetta var auðvitað ekki mönnum bjóðandi. Svo var hvítvínið í móttökunni volgt.

31/10/05 22:02

Offari

Þetta var raunveruleg upplifun, frábær sýning ekkert blöff .

31/10/05 22:02

Tigra

Áfallahjálpin virkar ekki!
[Skelfur]

31/10/05 22:02

Don De Vito

Ég er fullkomlega ósammála þessu með blóðið. Það var bara hressandi!

31/10/05 22:02

Vladimir Fuckov

Vjer heldum að þetta með blóðið væri hluti af sýningunni, að þetta væri ein þeirra sýninga þar sem reynt er eftir megni að gera áhorfendur að beinum þátttakendum í sýningunni. Hefur það greinilega verið alvarlegur misskilningur hjá oss [Strunsar út af sviðinu (ekki leiksviði eins og einhverjum gæti eflaust dottið í hug) og skellir á eftir sjer].

31/10/05 23:00

Finngálkn

Ha var blóði hleypt í slátrið á þér! -Pervert og ógeð!

31/10/05 23:00

DoktorGestapó

Hlífið okkur við svona rausi! Vantar ritstjórn hérna. Hreinasta Sorpa!

31/10/05 23:01

Skabbi skrumari

Fín sýning, ég skemmti mér vel... Skál

31/10/05 23:01

Anna Panna

Ég var svo heppin að sitja upp undir rjáfri og missti því af blóðinu. En í hléinu voru nokkrir gestir við það að ganga út vegna þessa og hefðu eflaust gert það ef ekki hefði verið boðið upp á hreinsun. Mér finnst að sýningin hefði mátt fá hálfa stjörnu fyrir þjónustulund...

Billi bilaði:
  • Fæðing hér: 19/9/06 13:06
  • Síðast á ferli: 7/3/24 12:25
  • Innlegg: 27978
Eðli:
Ég er Billi bilaði,
í bragfræði var slyngur.
En skáldgáfunni skilaði
og skipti fyrir glingur.
Fræðasvið:
Harmleikir.
Æviágrip:
Fæddur 10.12.2003 úr grjóni.
Eigandi og aðalleikari í Leikhúsi Billa bilaði (sem nú er komið úr Skrumgleypinum).