— GESTAPÓ —
Regína
Heiðursgestur.
Sálmur - 5/12/18
Apabæn

Elsku hjartans Enter minn
allra besti vinurinn,
eigðu við mig orð um sinn
því eitt nú þarf að ræða:
Apakettir eru hér
sem enga hafa mynd af sér,
ósköp ljótir líst þeir mér,
löngum má þá hæða.

Geturðu ekki, góði vin
gefið þeim með apagin
andlit frítt, sem eigum hin
auðvelt með að þekkja,
- þú ert nú svo fitt og fær
flinkur, sætur, öllum kær -
svo ekki lengur apaklær
aulumst til að hrekkja.

Enginn munur er á þeim
öllum, með svo líkan hreim.
Undarlegum apasveim
alltaf ruglum saman.
Þetta mörgum þykir synd,
en þegar fengið hafa mynd,
-við það miklar vonir bind -
verður meira gaman.

   (1 af 23)  
5/12/18 20:01

Regína

Pondus, Gavöðmöndör, Geir Varta, burdilunk, sabbtug, odie, og stundum Þrask eru allir virkir en ósköp ómyndarlegir núna.
Dagsetningin er 20/5/19

5/12/18 20:01

Billi bilaði

Þetta innlegg er hins vegar skrifað uppgangsárið 2007 þegar Enter var virkur, þannig að það eru betri líkur á því að hann sjái það. [Brosir út í bæði]

6/12/18 00:01

Grýta

Vel gert! Vonandi svarar Enter kallinu.

6/12/18 01:01

Texi Everto

Afhvurju er ég ekki með lykil af myndasafninu?
Er ekki Sívertssen vitleysingurinn með auðkennismyndavöld?

6/12/18 02:00

Regína

Íss, hann er sjálfsagt búinn að gleyma lykilorðinu.

6/12/18 01:01

Regína

Sívertsen vísaði á ritstjórn. Ég hef efasemdir um að ég ein geti fengið þá til samstarfs.

6/12/18 03:01

Billi bilaði

Ég veit að sabbtug hefur talað við ritstjórn, einu sinni, ef ekki tvisvar, án árangurs.

6/12/18 03:02

Vladimir Fuckov

Það væri mjög æskilegt að setja myndir í myndasafnið. En vjer óttumst mjög að ritsjórn hafi verið rænt af óvinum ríkisins eða jafnvel Hafþóri Hübner [Hrökklast afturábak og hrasar við]

[Aths. rituð 3.6.2019 23:16]

7/12/18 01:01

Billi bilaði

Er hægt að skrifa athugasemdir hér?

7/12/18 01:01

Regína

Greinilega, en bara hér.

7/12/18 01:01

Vladimir Fuckov

25.6.2019 14:14: Greinilegt að hjer eru að verki óvinir ríkisins eða jafnvel sjálfur Hafþór Hübner. Ekki er hægt að setja inn "venjuleg" innlegg eða breyta eldri innleggjum en hjer er hægt að tjá sig. Svo virðist sem hafa þurfi samband við Enter.

Og mafíuleikinn verður að klára hjer ef þetta lagast ekki fljótlega.

7/12/18 01:02

Vladimir Fuckov

25.6.2019 23:23: Enter veit núna af þessu, vonandi kemst þetta í lag innan tíðar...

7/12/18 02:01

Vladimir Fuckov

26.6.2019 14:54: Og nú er Enter greinilega búinn að koma þessu í lag [Ljómar upp].

Regína:
  • Fæðing hér: 17/9/06 15:56
  • Síðast á ferli: 11/3/24 15:28
  • Innlegg: 25218
Eðli:
Hlédræg, hógvær, hlýleg og virðuleg. Elskuleg kona sem man tímana tvenna, eða þrenna.
Fræðasvið:
Hallarblæti, teningaþvætti, nýliðaþjálfun.
Æviágrip:
Þið getið lesið minningargreinarnar ef þið lifið lengur en ég.
Þangað til skuluð þið bara fylgjast með.