Barnabækurnar um Albin eru um lítinn ímyndunarveikan strák í stuttbuxum og með stóra doppótta húfu. Og í bókinni Albin hjálpar til er hann beðinn um að fara út með ruslið og honum finnst hann svo duglegur að hann lætur hugann reika og gerir sér það í hugarlund að hann komi flestum íbúum bæjarins til bjargar. Lögreglumaðurinn ratar ekki heim og allt þar fram eftir götunum.
Þetta er stórglæsileg lesning fyrir alla sem vilja finna bernskuna í sjálfu sér og kastar ljósi á það að eitt lítið viðvik gerir sitt gagn. Og höfum við ekki öll fundið fyrir drifkraftinum þegar okkur finnst við hafa verið dugleg og viljum halda áfram.
Sjaldan er góð vísa of oft kveðin og sjaldan er góð bók of oft lesin þó að ég hvorki lesi mikið né teljist í aldurshóp þeim sem bókin er ætluð.
(7 af 7)
Sammála Don! Fáðu þér nýtt nafn.
Albin er til og vertu ekkert að reyna að bendla þig við hann.
Nýtt nafn !!
Nema ég breyti mínu í Don Fyrsti, nú eða Heiðglyrnir Fyrsti...
Nei nei, skiptu bara !
Það er allaveganna bara einn Nermal... og það er ég. En vissulega er téð bók giska góð lesning. Spurning samt með þann Albin hvort hann ætti ekki að fara á einhver geðlyf til að slá á ýmindunarveikina...
Talaðu við Enter, hann reddar þér nýju nafni... hvað segirðu um Al Bin Lata?
Þessi bók var snilld. Ætti kannski að reyna að ná í eina handa litla villidýrinu mínu.
Jamm. Það er ruglandi ef allir heita sama nafni - Albin 3, 4, 5, 6, 7, o.s.frv.
Al Bin Lata hljómar vel!
Til hamingju annars með afrek þín á bókmenntasviðinu...má ég benda á Enid Blyton?
Mér til varnaðar, þá er albin_fyrsti búið að vera kenninefni mitt á veraldarvefnum í ca 4-5 ár (eftir besta mynni) og hafði ég ekki vitund af því að albin væri þegar til staðar á baggalút, þegar ég skráði mig. En fyst það er skorað á mig að skipta um nafn, er öllum guð-velkomið að koma með tillögur.
Eitthvað flöffí og sætt í stíl við þetta bleika og mjúka útlit, en með mátulega hörðum undirtón svo þú sæmir sönnum kúreka eins og mér.
Ps. Þú ert í kúrekastígvélum ekki satt?
Já, Enid Blyton er sígildur. Ég las flestar bækurnar eftir hann þegar ég var krakki. Ef þú ætlar að þróa þig á bókmenntasviðinu þá er hann góður í næsta skref.
Annars er þetta góður boðskapur í Albin hjálpar til, svo sannur. Eitt lítið viðvik er gerir gagn.
Ef ég man rétt þá var Enid kéllíng. Samdi m.a Doddabækurnar, fimmbækurnar og Ævintýrabækurnar. En hafði þið séð kú reka stígvél?
Skipta um nafn skipta um nafn hvaða andskotans máli skiptir það má manneskjan ekki heita það sem henni sýnist.
- Fæðing hér: 18/2/06 18:45
- Síðast á ferli: 23/10/06 14:45
- Innlegg: 38