Tíðindi af Kaupfjelagi Draugasteins og nærsveita
Þið hafið eflaust orðið vör við þá hræðilegu þróun sem orðið hefur í Kaupfjelagsmálum Íslendinga undanfarin ár. Flest Kaupfjelaganna eru horfin af sjónarsviðinu og önnur hafa breytt starfsemi sinni svo um munar. Þó eru eftir örfá Kaupfjelög, s.s. Kaupfjelag Skagfirðinga og enn rekur Kaupfjelag Borgfirðinga búrekstrardeild sína í Borgarnesi, og hefur m.a.s. reist nýtt hús undir þann rekstur.
Með Kaupfjelugunum hurfu harðir aðdáendur þeirra, sem keyptu ekkert nema það fengist þar. Þeir allra hörðustu neituðu jafnvel að fá sér falskar tennur því þeir þurftu ekkert sem ekki fékkst í þeirra kaupfjelagi.
Við Draugasteinsbúar ákváðum á síðasta ári að bæta úr þessari slæmu þróun og stofna okkar eigið Kaupfjelag, Kaupfjelag Draugasteins og nærsveita. Reksturinn er blómlegur og hefur hvert herbergi sína deild og sumar tvær. Sjálfur sé um búrekstrardeildina og kvonarefni mitt um byggingarvörudeildina. Annars eru þær deildir sem starfræktar eru í dag eftirfarandi:
Áfengis- og tóbaksverzlun
Bifreiðastöð (er einnig verkstæði og bílasala)
Brauðgerð
Búrekstrardeild
Byggingavörudeild
Efnalaug & þvottahús
Gúmmívinnsla
Hljómplötu og bókaverzlun
Húsgagnasmiðja
Íþrótta- og ungmennafjelag
Jarðabótadeild
Járnsmiðja
Kaffibrennzla
Kjötborð
Matvöruverzlun
Mjólkursamlag
Netagerð
Olíuverzlun
Raftækjadeild
Skóverzlun
Sláturhús og Kjötafurðastöð
Smíðaverkstæði
Sparisjóður K.D.
Sælgætisverzlun
Tískuverzlun
Tölvurekstrardeild
Útgerðarfélagið Kjærnested K.D.
Útivistar og íþróttavöruverzlun
Skrifstofur kaupfélagsstjóra og gjaldkera eru einnig í húsnæði fjelagsins í Draugasteini.
Útibú hafa verið opnuð í Tröllasteini (Eyþórsbúð), við Landbúnaðarháskólann á Hvanneyri og í Bandaríkjahreppi. Í hreppi er enn fremur rekin Suðurríkjadeild og Dixie-deild.
Rekstur fjelagsins er blómlegur og fjelagar vel á fyrsta hundrað. Byggingarfjelagið Ófeigur, sem nær eingöngu er skipað kaupfjelagsmönnum, gerði upp samkomusal í hinu viðfræga Íþróttahúsi Þróttó og hyggst koma upp margvíslegri aðstöðu þar. Þar mun Lomberklúbbur fjelagsins t.a.m. hafa stofu ætlaða sinni starfsemi. Svo má ekki gleyma kaffihorninu, þar sem alltaf er heitt á könnuni og kaupfjelagar hittast til að ræða daginn og veginn.
Hafi einhver sem les þennan pistling áhuga á að opna útibú má vel semja um það, hafið bara samband við mig.
Góðar stundir.
Til hvers í andskotanum að hafa samband við þig? Þú ert óbreyttur gestur með ritstíflu.
Thetta er storkostlegt! Eg hef ahuga a ad stofna nautgriparaektarfjelag.
Ég hef alltaf verið mikill kaupfélagssinni, það er löngu orðið þarft að endurvekja kaupfélögin. Fæ ég að opna útibú á Sómastað?
Ég hlakka til að koma í Kaupfélagið næst þegar ég kem til Draugasteins.
Já það er sko ekki fullreynt með kaupfélögin.
Mig hefur alltaf langað að rogast með bleika arðmiða út í kron og afhenda þá framsóknarmadömmunni.
Jóakim, nautgriparæktarfjelag yrði frábær viðbót, þá er bara að finna búsældarlega jörð og nokkra kynbótagripi.
Offari, hvar er Sómastaður? Það má vel athuga opnun á nýju útibúi.
Er ekki nóg að stjórnendur glæpadeildar Frams...(get ekki skrifað orði allt án þess að æla) hafi stolið arðinum af þrældómi íslenskra bænda í margar kynslóðir, þó ekki sé farið að endurtaka leikinn.
Ekkert mál að stofna kaupfélag bara á meðan þú endurreisir ekki Framsóknarflokkinn.
Uss, ekki blóta svona. En framsókn er orðin íhald, þ.e. heldur í síðustu hálmstráin.