Fuzumzwei. Bíllinn minn sagði 30°C þegar ég steig í hann og 25°C þegar ég var kominn uppá Stófhöfða og ég með skyrtu byndi og peysu yfir því.

Þá er bara að verða kominn tími til að bara fara í kalda sturtu og aftur í rúmið.

Er ekki tilvalið að fá sér bara einn ískaldan sænskann bjór?

Viltu skipta?

Held að hér á klakanum sé alveg jafn heitt og Svíaríki þessa stundina. Hér flóir ísinn í brauðformin sem og bensínið á alla nýju amerísku bílana.
Hér er hver hunangsfluguhlussan á fætur annarri búin að villast inn á helstu umferðaræðar og fleyta fituforðanum ásamt öðru innmeti á framrúður bílana sem það eiga leið hjá.
Hér eru fornbílar og blæjubílar farnir að gægjast út í veðrið án þess að innihalda brúðhjón á hlaupum undan grjónakasti vina og ættmenna sinna.
Þannig að til að komast í svalann hlýt ég bara að mæla með Genfarborg eða bara París.
Að minnsta kosti stendur rokrassgatið Reykjavík ekki undir nafni eins og staðan er í dag.

Ég las í blaði dagsins að veðrið okkar í dag væri pólskt að uppruna. Greinin var reyndar um hið undurfagra sólsetur sem við meigum eiga von á í kvöld.

Það er ýmslegt ágætt sem kemur frá Póllandi. T.d Prince Polo

Ég er sammála því að of mikill hiti er slæmur. Hann er slævandi og pirrandi. Besta veðrið er skýjað með logni.