Fyrir nokkrum árum þegar ég steig mín fyrstu skref hér inni þá fékk ég vinsamlega tilsögn og yndislegheit, hitti fullt af frábæru fólki sem flestir eru vinir mínir í raunheimum í dag, ég hef alltaf haft dálæti á húmornum hér og leikjunum og þá sérstaklega þar sem maður segir eitthvað fallegt eða ljótt um fólk, sem er auðvitað algjörlega dásamlegir þræðir og gott fyrir sálina að lesa þá reglulega yfir.
Þetta heimili mitt í netheimum hefur samt verið mengað og ég kem varla hér inn nema sjá skítahaugana eftir hið leiða tröll sem hefur eyðilagt þetta góða andrúmsloft hér inni með skítabombum og úrgangi sem ætla engan endi að taka.
Þetta er einsog að fá nýjan fósturpabba inná heimilið og hann situr í sófanum, drekkandi, reykjandi og bölvandi á nærbrókinni allan daginn þannig að við sem höfum haft þetta heimili sem öruggt skjól erum óörugg og hálf heimilislaus.
Í staðinn fyrir að koma heim þá förum við í kringluna (fésbók) og reynum að láta okkur líða vel þar, en þar þekkir maður ekki eins vel húmorinn og mörkin, fólk er þarna í kringlunni til þess eins að sýna sig og sjá aðra, veifa sínum tota og er kannski ekki að gera neitt nema njósna um náungann á fölskum forsendum.
Ég vildi auðvitað taka Pollýönnu á þetta og taka upp hanskann fyrir trölla sem á greinilega um sárt að binda og er kannski ekki alveg einsog við hin, en ég er ekki sú sem tek kúkinn í lauginni uppá mína arma, það á bara ekki að vera kúkur í lauginni. Ég vil fá að koma heim til mín og ekki þurfa að þola fnykinn af þessum aðskotahlut sem mengar allt með sinni nærveru.
Takk fyrir mig elskurnar.
Vel orðað og ekki er ég ósammála. Ætli hagvaxtarhugsjónin hafi þó ekki endanlega klippt hina klassísku vinstrimennsku úr kollum vorum.
Ég er nú annálaður fyrir hógværð og séntilmennsku, en mér var orðið svo misboðið að ég missti út úr mér blótsyrði á einhverjum þráðum hér. Ég biðst hér með afsökunar á því. Gott rit hjá þér Dula.
Þetta fjelagsrit er sannarlega hægt að taka undir.
[Tekur sjer krossgötu til fyrirmyndar og ljómar upp, að vísu eins og plútóníumljósapera]
þeir sem geta ekki dreymt eiga ekki að tala um drauma og eiga að þegja þegar aðrir tala um þá.
Orð í tíma töluð. Flott Dula!
(Mikið vildi ég óska að ég gæti krossað út innlegg Sannleikans)
Og nú er líka búið að loka fyrir skítatröllapabbann. Það er sko gott. [Grænkar upp]
[Fölnar upp] Er kúkur í lauginni?
Annars orð í tíma töluð, Dula.
[Býr sig undir að skipta um vatn í lauginni]