Dró frumburðinn með mér í bíó og þar sem við erum bæði fyrir smá hrylling og spennu með dass af blóði í bland þá ákváðum við að skella okkur á hina stórgóðu hryllingsmynd, Drag me to hell.
Söguþráður myndarinnar er á þá leið að ung stúlka lendir í því óláni að verða fyrir bölvun frá sígaunakerlingu nokkurri, maður þessarar ungu konu er sálfræðingur og trúir ekki á svona hjátrúar bull en tekur nú samt mark á henni bara til að sanna ást sína á henni, hann lætur ýmislegt yfir sig ganga til að reka út illu andana en allt virðist vinna á móti þeim skötuhjúum.
Þessi mynd er uppfull af skemmtilegum bregðiatriðum þar sem maður er kannski nýbúinn að vera að hlæja að skemmtilegum uppákomum þar sem vofa gömlu kerlingarinnar er ansi uppátækjasöm við ungu konuna og svo kemur skrattinn úr sauðaleggnum strax þar á eftir og maður pissar á sig af hræðslu.
Meiriháttar skemmtileg hryllingsmynd .
Þarf önd sumsé að fara í bleiu í bíó? Ég fer frekar á Antichrist. Þar þarf önd bara ælupoka...
Ojj já ég hugsa að Jón Baldvin kalli nú ekki allt ömmu sína miðað við að hafa verið giftur sömu konunni í öll þessi ár, en ég leyfi honum að fara á þessa mynd í minn stað. Það virðist bara hafa verið viðbjóður þar á boðstólnum , ekkert glens eða grín.
Það færi betur á því að hafa titil félagsritsins á íslensku. Dragðu mig til Hellu held ég að dugi sem þýðing.
Er það ekki vandræðalegt að pissa á sig í bíó? Tóku margir eftir því?
Langt síðan ég fór á hræðslumynd í bíó sennilega ekki síðan á Atvika Sjóndeildarhringinn fyrir mörgum árum síðan, þessi hljómar vel. [Fær sér kaffisopa]
Ég fer alltaf með pampers á svona myndir og ég held að bærinn hafi verið ansi langt frá Hellu , það var töluð útlenska í henni.
Ef ykkur langar að sjá fína hrollvekju mæli ég með norska snilldarverkinu Död snö eða Dauðafönn...
Nasistauppvakningar, keðjusagir og flest annað sem góðan hroll þarf að prýða...
http://www.imdb.com/title/tt1278340/