Jæja minn kæri bandingi, nú er ég loksins kominn aftur úr hinum mikla njósnaleiðangri til Svíþjóðar!

Eitt það fyrsta sem ég komst að þarna úti, var að einhverra hluta vegna, höfðu Svíar fengið fregnir af yfirvofandi hernámi Baggalúts, en gátu einfaldlega ekki gert upp við sig hvort heyja skyldi baráttu mikla, eða hreinlega flýja land.
Notaði ég því tækifærið og gerði landið Baggalútískt áður en Svíar næðu að ákveða sig.
Reisti ég síðan múr mikinn um Álandseyjar, en það skal verða Öryggisfangelsi fyrir andspyrnuhópa!

Þegar Norðmenn komust að þessu öllu saman, gátu þeir ekki verið minni menn og buðust til að berjast fyrir "Baggalútíska Alheimsveldið" eins og þeir kölluðu það, með þeim skilyrðum að þeir fengju að halda einum Norskum fánadegi að mínu vali. Samþykkti ég það og ákvað dagsetningu, sem er 23. apríl, en það er fæðingardagur Margit Sandemo, höfundar Sögunnar um Ísfólkið!
Urðu Norðmenn svo hrifnir af þeirri ákvörðun að sem göf afhentu þeir Jan Mayen sem sumarbústað Baggalúts!

Frekari urðu landvinningarnir ekki í það skiptið. Afhendi ég hér með skýrslu þessa yfirvöldum "Baggalútíska Alheimsveldinu" og bíð eftir frekari fyrirmælum!
Er meðfylgjandi mynd tekin við stjórnarskiptin í Svíþjóð!

Sloppur - ‹á kafi›