— GESTAPÓ —
Offari
Heiðursgestur og  skriffinnur.
Dagbók - 1/12/08
Sakleysi mitt mun sannast.

Ég biðst fórláts á fjarveru minni hér. Ástæða fjarveru minnar er hin svokallaða kreppa sem virðist hafa tekið völdin í heiminum. Ég hef verið að leita að sökudólgum en leitin hefur verið erfið því þetta minnir nokkuð á mafíósaleik þar sem hver bendir á annan. Erfitt er að greina hverjir eru samherjar og en erfiðara virðist vera að finna sakleysingjana.

Allir virðast rúnir trausti. Samstaðan er engin ringulreiðin virðist hafa náð tökum á öllum. Reynsla mín af mafíósaleikjum kemur að engu gagni, því ég veit af eigin reynslu að þrátt fyrir að þar hafi ég alltaf reynt að koma heiðarlega fram þá trúði mér enginn. Ég er hinsvegar staðráðinn í því að láta illmennin ekki sigra enda er ég kominn á sporið en get því miður ekkert gefið upp vegna bankaleyndar.

   (33 af 52)  
1/12/08 07:00

Rattati

Varst það þú já....

1/12/08 07:00

Lepja

Ert þú þá sekur þar til sakleysi þitt er sannað?

1/12/08 07:00

Ívar Sívertsen

Við komum til með að velta við öllum steinum!

1/12/08 07:00

Villimey Kalebsdóttir

Offari ég saknaði þín!

1/12/08 07:00

krossgata

Ertu að reyna að vera sakleysislegur?

1/12/08 07:01

Þarfagreinir

Þarf ekki að hengja þig til að sanna sakleysi þitt? Eða þá láta löggu rannsaka þig, sem síðan er drepin. Ég sé engar aðrar leiðir, nema þú sért frímúrari auðvitað.

1/12/08 07:01

Vestfirðingur

Hitti Offara um daginn, karlinn ekki árennilegur. Krakkarinir voru beinlínis hræddir við hann enda skammdegisskapið komið yfir hann. Annars er þetta sómamaður. Valt úr honum einhver öflug steypa um að hann væri vankaður og enn að jafna sig eftir rothögg kreppunnar.

1/12/08 07:01

Vesen

Eina leiðin til að sanna sakleysi þitt er að taka þátt í næsta mafíuleik.

1/12/08 08:00

Kífinn

og enn erfiðara virðist..
Líst vel á leiðangurinn. Ef ég get komið að hjálp þá ekki láta mig vita en hafðu þess í stað samband við raunheimasjálfið mitt....það hefur einhverjar hugmyndir um þetta.
mafíuleikinn þekki ég ekki, en þetta er allt soddan mafíuleikur allt saman. Varstu á flokksþinginu (mafíósa vitaskuld)?

Offari:
  • Fæðing hér: 9/10/05 11:53
  • Síðast á ferli: 23/5/23 07:34
  • Innlegg: 25412