— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Gagnrýni - 2/11/17
Fádæma glámskyggni götunafnanefndar

Lengi getur vont versnað (og venst slíkt eigi)

Ritað hinn 10. desember á því herrans ári 2018.

Vart hefur farið framhjá mörgum að mannanafnanefnd hefur undanfarin ár oft legið undir harðri gagnrýni og eigi að ósekju. Höfum vjer t.d. ástæðu til að ætla að nafn vort yrði aldrei samþykkt af (ó)nefnd þessari nema ríflegar mútur kæmu til. En nú er ljóst að til er önnur nefnd sem miklu meira tilefni er til að gagnrýna harðlega. Er þar um að ræða sk. \"götunafnanefnd Reykjavíkur\" er oss var reyndar ei kunnugt um fyrr en í dag.

Nú berast sem sagt frjettir frá sk. \"fjölmiðlum\" þessa lands þess efnis að nefndarómynd þessi leggi formlega til að götur á Esjumelum fái nöfnin Gullsljetta, Silfursljetta, Járnsljetta, Málmsljetta, Bronssljetta, Koparsljetta, Steinsljetta og Kalksljetta. Þetta er afleit tillaga eins og öllum ætti að vera ljóst; vissum vjer ei betur teldum vjer að hjer væri um misheppnað grín að ræða. Hjer ægir öllu saman, nokkrum málmum er jafnframt eru frumefni, málmi er í raun er efnasamband og inn í þetta er svo blandað smá skammti af grjóti, kalki og málmum almennt. Járn og brons eiga ekkert erindi innan um gull, silfur og kopar. Þessu málmdrasli ber þegar í stað að skipta út og fá í staðinn nöfnin frá hinum göfugustu málmum, nefnilega Kóbaltsljetta og Plútóníumsljetta ‹Ljómar upp›. Almennt grjót á heldur ekkert erindi hjer. Í stað þess ber að sjálfsögðu að nota hið hljómfagra og þróttmikla nafn Baggalútssljetta ‹Ljómar enn meira upp›. Málmar eru síðan almennt fremur fornaldarlegir og ber þegar í stað að skipta þeim út fyrir harðasta þekkta efnið: Demanta. Þá er bara eftir vandræðagripurinn Kalksljetta. Í stað hennar gæti komið Enterssljetta; færi það nafn best þeirri götu er liggur inn á viðkomandi svæði (eða kemst næst því).

Stórendurbætt tillaga (eða öllu heldur krafa) í tengslum við götunöfn á Esjumelum er því:

Gullsljetta, Silfursljetta, Kóbaltsljetta, Demantasljetta, Plútóníumsljetta, Koparsljetta, Baggalútssljetta og Enterssljetta.

‹Ljómar upp eins og plútóníumfriðarsúla›

   (1 af 102)  
2/11/17 10:02

Regína

Mér finnst Kóbaltsletta og Koparsletta mjög lík nöfn, þó liturinn sé ólíkur.

2/11/17 10:02

Vladimir Fuckov

Þetta er eigi órjettmæt ábending; færi e.t.v. betur á því að nota t.d. nafnið Glúmssljetta eða jafnvel Texasljetta í staðinn fyrir nafnið Koparsljetta.

2/11/17 11:01

Billi bilaði

Hver vill svo ekki búa við Fuckovsljettu?

2/11/17 14:02

Skabbi skrumari

Úrvalsrit.

8/12/22 03:02

Ásmundur Lopahaus

Hér tel ég viðeigandi að laumupúkast. Það gæti jafnvel talist krúttlegt.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.