— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Dagbók - 3/12/09
Steinsofandi og framtakslausir pólitíkusar

Enginn getur sagt að ekki hafi verið varað við hættunni í tíma

Alveg er það óþolandi þegar eitthvað gerist sem búið var að vara við, búið að benda á nauðsynlegar aðgerðir, ekkert var samt gert og svo skellur vandamálið á af fullum þunga og allir þykjast hissa. Fyrir skömmu gerðust atburðir er sýndu fram á að málflutningur vor og fleiri hafði verið rjettur. Bent hafði verið á vandamál og því lýst nokkuð nákvæmlega og bent á óæskilegar afleiðingar þess. En eigi stoðar alltaf að nöldra og röfla, það þarf að benda á lausnir. Og það var gert ! Bent var á hina fullkomnu lausn á vandanum, lausn til frambúðar, lausn sem þar að auki var einföld í framkvæmd. Hina fullkomnu lausn.

Auðvelt er að geta sjer til um hvað var gert. Ekki neitt. Steinsofandi og framtakslausir pólitíkusar hunsuðu allar aðvaranir, ljetu eins og vandmálið gæti aldrei skotið upp kollinum og montuðu sig af þeim (satt að segja lítilfjörlegu miðað við mikilvægi málsins) fjárhæðum er spöruðust (eða jafnvel græddust) með því að gera ekkert. En fyrir stuttu skall vandamálið á af fullum þunga, vandamál er vjer nöldruðum yfir í þessu fjelagsriti:

http://www.baggalutur.is/gestapo/profile.php?mode=viewprofile&u=176&n=303

Og í þessu fjelagsriti var bent á hina fullkomnu lausn á vandanum:

http://www.baggalutur.is/gestapo/profile.php?mode=viewprofile&u=176&n=2219

Samt var ekkert gert. Og rjett fyrir síðustu helgi skall þetta vandamál af fullum þunga á höfðuborgarbúum. Það hefði hindrað það öngþveiti er þá varð ef handónýtir polítíkusar hefðu verið búnir að bregðast við margra ára gömlum aðvörunum og drattast til að leysa vandamálið á þann hátt er á var bent.

‹Strunsar út af sviðinu og skellir á eftir sjer›

   (5 af 102)  
3/12/09 03:02

Útvarpsstjóri

Geturðu ekki bara gengið í skóm með öflugum plútóníumsólum sem bræða allan snjó þar sem þú gengur?

3/12/09 03:02

Vladimir Fuckov

Gallinn við þá lausn er sá að hún hentar af augljósum ástæðum afar illa í djúpum snjó og sköflum. Þar að auki höfðum vjer líka í huga bílaumferð.

3/12/09 04:00

Regína

Það er óþarfi að geyma skriðdrekana inni í skúr í svona ástandi. Þetta er rétti tíminn til að nota þá!

3/12/09 04:00

dordingull

Pólítíkusar hafa engan áhuga á að leysa vandamál. Þeir vinna við það að búa þau til. Snilldar hugmynd sem eyðir vanda hraðar en þeim er unt að framleiða hann, gerir þá atvinnulausa.

3/12/09 04:01

Hugfreður

Við ættum að útrýma pólitíkusum og sjá svo hvort hálkan fari ekki í kjölfarið, eða a.m.k. minnki.

3/12/09 09:00

Kífinn

Hálkan hefur minnkað. Hugfreður: hvað varstu að gera af þér?

3/12/09 23:02

Megas

Ég er Megas.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.