— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 9/12/08
Af svokölluðum sparnaði ljóslauss og illa upplýsts löggjafa

Nú er stóra tækifærið - ef rjett er á málum haldið

Hvaða ljóslausu löggjafarstofnunum datt eiginlega í hug að skipuleggja herferðina gegn glóperunni með þeim hætti sem raun ber vitni ? Svo virðist sem reiknimeistarar innmúraðir í himinháa, gluggalausa fílabeinsturna hafi reiknað út samkvæmt fyrirfram ákveðinni niðurstöðu að glóperur sjeu fram úr hófi kostnaðarsamar og orkufrekar. Þetta kann að vera rjett en það er aukaastriði. Aðalatriðið er að þessir 'háu' herrar hafa augljóslega ekki sjeð glóru út úr augunum inni í dimmum skúmaskotum síns heittelskaða, vel ljóseinangrandi og algjörlega vitsmunalega einangrandi fílabeinsturns er þeir veltu fyrir sjer hvað koma skyldi í staðinn. Í stað glóperunnar á nefnilega að koma sk. 'sparpera'. Í stað milds ljóss hinnar gamalkunnu glóperu kemur kuldalegur bjarmi sparperunnar. Í stað einhvers sem glóir kemur eitthvað sem sparar. Sparar ?! Helsta hlutverk peru er að glóa en eigi spara. Spara, spara, spara er vissulega eitt það mikilvægasta í kreppu dagsins í dag en það verður þá að spara á rjettan hátt. Í stað þess að taka upp sparperur á að sjálfsögðu að nota tækifærið og taka upp plútóníumperur ‹Ljómar upp›.

Með því að taka upp plútóníumperur næst margfaldur sparnaður. Birtan er mildari, betri og hlýlegri en frá öðrum perum. Hlýlegri í margfaldri merkingu því plútóníum má líka nota í stað ofna og losna þannig líka við hina daunillu og rándýru hitaveitu. Jafnframt þurfa plútóníumperur ekkert rafmagn, þær eru sinn eigin orkugjafi. Þar af leiðandi fylgja þeim engar af þeim hvimleiðu snúru- og víraflækjum sem flestir bölva hressilega með reglulegu millibili. Jafnframt dregur stórlega úr þörfinni fyrir raflínur og háspennulínur af augljósum orsökum og raforkunotkun hrynur. Gufar því deilan um HS Orku og Magma Energy upp sem dögg fyrir plútóníumperu því einfaldlega má slökkva á allri orkuvinnslu á Reykjanesskaganum og eiga samt eftir ógrynnin öll af umframorku í landinu.

Eini ókosturinn sem þessu fylgir er lítilsháttar geislavirkni en ekki verður farið nánar út í þá sálma hjer því það vandamál er auðvelt að leysa eins og margoft áður hefur komið fram.

   (7 af 102)  
9/12/08 01:01

Kífinn

Eldflaugadoktorinn hefur mælt.

9/12/08 01:01

krossgata

Svo þarna myndu perur spara meðan þær glóðu og glóa meðan þær spara. Sameinar kosti beggja hinna.

9/12/08 01:01

Offari

Sparperurnar geta sparað glóðarperurnar.

9/12/08 01:01

Regína

Koma plútóníumperurnar með haustskipinu?

9/12/08 01:02

Vladimir Fuckov

Vjer áttuðum oss allt í einu á að vjer gleymdum að nefna einn minniháttar ókost við plútóníumperur: Það er ekki hægt að slökkva á þeim. Það vandamál er hinsvegar auðleysanlegt.

9/12/08 02:00

Agúrkan

Glóperur eru einnig afar sparsamar ef slökkt er, það vantar alveg.

9/12/08 03:00

Jóakim Aðalönd

Er hægt að slökkva á plútóníumperu?

Spara líst mér vel á! [Sparar helling]

9/12/08 08:01

Vladimir Fuckov

Nei, það er eigi hægt að slökkva á plútóníumperu. Það vandamál er hinsvegar sem fyrr segir auðleyst. Sje nauðsynlegt að losna tímabundið við birtuna frá slíkri peru er hægt að láta plútóníumknúið lok eða hlera fylgja slíkri peru. Myndi það þá loka fyrir birtuna þegar 'slökkt' er á perunni.

9/12/08 16:00

Vímus

Loksins kveiktir þú á perunni

1/11/08 06:01

Stephen Timoshenko

Ég hef notað hitaþolna blýmúrsteina húðaða með nanó-bismút til að loka fyrir ljósið tímabundið. Það leysir einnig geislavirknisvandamálið.

Ef mönnum er sama um geislunina þá er hægt að vera með nokkur sett af sólgleraugum hér og þar um húsið, og svo rafsuðuhjálm til að sofa með. Sólgleraugun eru sett á nefið eftir lýsingarþörf.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.