— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Gagnrýni - 5/12/06
Samræmdir tímar

"Hvíldu þig, hvíld er góð"

07.07.2004 10:42

Hvaða morgunhressa músalemúrapa datt eiginlega upphaflega í hug að það væri góð hugmynd að nánast allt þjóðfélagið þyrfti að vakna á sama tíma ?? Nú er alkunna að það er einstaklingsbundið á hvaða tíma sólarhrings mismunandi einstaklingar eru best vakandi og stundum er jafnvel engu líkara en það breytist sem fall af tíma. Er þetta er skrifað virðist líkamsklukka vor t.d. af óþekktum ástæðum vera stödd í Austur-Kanada og hefur verið þar í 2-3 daga. Og hvað í örþreyttum öskurapa kemur það restinni af þjóðfélaginu við ? Nei, vér viljum taka undir sígilda gagnrýni Skammkels (sjá http://www.baggalutur.is/gestapo/profile.php?mode=viewprofile&u=595&n=378 ) og afnema morgna. Ef líkamsklukka vor þarf endilega að vera í Austur-Kanada viljum vér fá að hafa hana þar. Og hana nú !

Ein stjarna fyrir að núverandi fyrirkomulag kann á einhvern dularfullan hátt að vera þjóðhagslega hagkvæmt. Að öðru leyti mælum vér eigi með því.

(Vér vöknuðum nú reyndar aðeins við að semja þetta nöldur).

   (73 af 102)  
5/12/06 08:01

krossgata

Spurning um að rækta þessa óværu bara úr þjóðinni.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.