„Nú verður gaman“
Umræður og frábærlega skemmtilegt klúður á föstudagskvöldi tengt bókstaf hins illa, tímavjel er reyndist við nánari skoðun sjerlega skemmtilegt fyrirbæri - skál ! -, nokkuð um að bjór væri hellt á gesti (talið er að það hafi yfirleitt gerst óvart), forrjettur er að hluta til skaust á nálæga gesti, laumupúkar, spurningakeppni, (enn) fleiri tölvunördar en vjer hjeldum, vel heppnuð skemmtiatriði, - skál ! - Texi sem var út um allt, drykkja, skrumgleypar, einstaklega nördalegar (slíkt er yfirleitt gaman) umræður um stöðu Plútós og um DNA/RNA, skemmtilega kynnt kosningaúrslit, mjög góður veislustjóri, - skál ! - gervieldsvoði, vel heppnuð al-baggalútísk/gestapóísk hljómsveit, gítarglamur, sjerlega gott Hexiukakó, gamalkunnir gestir svo og ný andlit er gaman var að sjá, 'borðþræðir', hætta á að vera etinn af öðrum gesti, - skál ! - ósk um sænskar kjötbollur á staðinn vegna síðustu athugasemdar, fínn matur, leigubílaskortur.
Árshátíðarnefndin verðskuldar þakkir fyrir svo vel heppnaða árshátíð að fjarvera ritstjórnar kom að vjer teljum lítt að sök (þó eflaust hefði verið enn skemmtilegra hefði hún verið á staðnum). Vonandi hefur nefndin skemmt sjer vel líka þrátt fyrir miklar annir. Dagskráin var vel heppnuð og vel 'baggalútísk' og það var vel til fundið að hafa tímavjel á staðnum (hefði þó mátt vera án bókstafs hins illa). Hljómsveitin Kóbalt stóð vel fyrir sínu langt fram á nótt.
Skál !
Ég hélt að þetta fjallaði um hvarf þriðja bakkabróðurins...en skál samt!
Ég vissi strax um hvað þetta fjallaði, en góður punktur engu að síður, Tina.
Skál!
Ís, plís, pólís!
Að vísu forðaðist ég þennan forrét, og heyrist það hafa verið fyrir bestu miðað við eftirheimildir um árásargirni hans.
Annars þakka ég fyrir mig, og gaman að hitta þig!
Annir Önnu við að annast ykkur kom ekki í veg fyrir prýðisgóða skemmtun, skál kæri forseti!
Má ég leiðrétta þig Rýtinga; Pólís, pólís, pylsur og ís!
Vona að þið hafið jafnað ykkur öll eftir hamfarirnar.
Skemmtunin gat vart verið skemmtilegri í mínum augum. Keðjuræðuhöldin mín fóru að vísu örlítið fyrir ofan garð og neðan, en voru engu að síður prýðisgóð er skrið komst á gestina. [Ljómar upp]
Árásargirni forréttarins kom ekki að sök þar sem ég hafði svona líka fyrirtaks sessunaut. [Ljómar upp]
Ég þakka hlý orð forsetans í garð stórhljómsveitarinnar Kóbalts. Því miður afboðaði 30 manna strengjasveitin sig á síðustu stundu sem og 60 manna karlakórinn. Við reyndum því að vinna úr því sem til var. Þessi redding heppnaðist samt ágætlega og má búast við því að Kóbalt skjóti upp kollinum einhvers staðar og leiki létt lög af hljómplötum fyrir landslýð.