— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 9/12/05
Áfall

Hættulegt vopn

Fyrir um mánuði fórum vjer að búast við að hvað úr hverju yrði Gestapó opnað á ný. Hugðumst vjer því hefja formlegan undirbúning komu vorrar hingað en strax í upphafi undirbúningsferlisins urðum vjer fyrir meiriháttar áfalli og vorum vjer marga daga að jafna oss á því. Stafaði áfallið af nýjum upplýsingum er oss bárust. Afleiðingar þessa geta orðið alvarlegar. Annað óþægilegt mál fylgdi þessu og tók oss marga daga að komast að því að eigi væri um nema eitt að ræða: Vjer neyddumst til að opinbera hluta vandamálsins fyrir Enter og e.t.v. fleirum og minnka þar með hugsanlega trú hans og Bagglýtinga allra á færni forsetaembættisins til að takast á við hina fjölmörgu óvini baggalútíska heimsveldisins. Og nú gerum vjer því þá óþægilegu játningu að óvinir ríkisins sjeu öflugri en nokkru sinni fyrr og ráði yfir stórhættulegu vopni. Vopni er verður að eyða. Vopni er verður að eyða fljótt. Neyðumst vjer því einhverntíma í næstu viku til að yfirgefa Gestapó í u.þ.b. tvær vikur og halda af landi brott til að finna þetta vopn og eyða því. Annars geta einhverjir fleiri gestir orðið fyrir áhrifum af vopninu. Reyndar finnst oss margt benda til að ýmsir gestir hafi nú þegar orðið fyrir áhrifum af vopninu. Áhrif þessi eru mikil og geta verið afar óþægileg. Þau voru það a.m.k. í tilviki voru:

Á þeim þremur mánuðum er ritstjórn var í sumarfríi tókst óvinum ríkisins að þurrka aðgangsorðið að Gestapó út úr heilabúi voru.

   (25 af 102)  
9/12/05 01:01

Limbri

Magnaðast þykir mér að lykilorðið hafi ekki verið 'kóbalt'. Ég hélt að það væri lykillinn að öllum leyndardómum og þekkingu heimsins.

ps. annars er lykilorðið mitt 'pissudúkka'.

-

9/12/05 01:01

Ívar Sívertsen

Það verður að stemma stigu við svona hamförum!

9/12/05 01:01

Gísli Eiríkur og Helgi

Og afhverju í andskotanum get ég ekki skrifað félagsrit. þegasr ég signa mig inn heldur mætist af skilaboðum um að ég sé nýgræðingur og verði að vera hérna lengur til að getasent frá mér félagsrit. Þú alvitri forseti afhverju er þettað sona?þú ert jú bara óbreyttur gestur sé ég

9/12/05 01:01

Þarfagreinir

Af hverju ertu þá skráður inn, Vlad?

Varðandi félagsritin þá finnst mér að aflétta eigi kröfunni um 50 innleggja lágmark, að minnsta kosti tímabundið. Það eru hvort eð er engir nema við gamlingjarnir að skrifa hér eins og er.

9/12/05 01:01

Offari

Við verðum bara að aðlaga okkur að breyttri heimsmynd enginn er öruggur í dag.

9/12/05 01:01

Jóakim Aðalönd

Gangi yður vel í baráttu yðar gegn óvinum vorum, herra Forseti!

9/12/05 01:01

Rasspabbi

Þú sýnir þessum misyndismönnum í tvo heimana, raunheima og Gestapóheima.

9/12/05 01:01

Texi Everto

Hah, gangi þeim vel að þurrka það leyniorðið út úr hausnum á MÉR!

9/12/05 03:02

Sundlaugur Vatne

Hah, þykist Texi vera með haus?

Gangi yðu vel að eyða þessu agalega vopni, kæri forseti, vanti yður aðstoð glímu- og sundkappa úr Ýsufirði bjallið þá bara í oss.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.