— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 1/12/05
Óvinir ríkisins hefja árið með hvelli

Nauðsynlegt er að efnagreina nákvæmlega jarðveginn þar sem flugskeytum og eldflaugum er skotið á loft

Um þessi áramót kom með óvenju skýrum hætti fram nauðsyn þeirra stöðugu hernaðar- og leyniþjónustuaðgerða er allt frá stofnun Baggalútíu hafa staðið yfir gegn óvinum ríkisins. Hefur þetta einmitt venjulega komið sjerlega greinilega fram um áramót. Að þessu sinni var gerð óvenju ósvífin tilraun til að sprengja forsetaembætti Baggalútíu í loft upp og voru þetta önnur áramótin í röð þar sem slíkt gerist. Var þetta núna gert með því að breyta efnasamsetningu jarðvegsins þar sem embættið skaut upp flugskeytum og eldflaugum í gærkvöldi þannig að viðnámið milli jarðvegsins og eldflaugar nokkurrar varð svo mikið að eldflaug þessi komst eigi á loft heldur sprakk í loft upp á jörðu niðri en eldflaugar þessarar gerðar eru þeirrar náttúru að neðsti hluti þeirra er neðanjarðar er þeim er skotið á loft. Þess ber að geta að sem betur fer urðu eigi slys á viðstöddum enda neðanjarðarbyrgi forsetaembættisins kjarnorkuvopnaheld.

Það sem af þessu má læra er að kanna ávallt nákvæmlega alla eiginleika jarðvegsins þar sem eldflaugum og flugskeytum er skotið á loft svo tryggt sje að það er skjóta á upp komist á loft. Sjer í lagi er mikilvægt að ganga úr skugga um að óvinir ríkisins hafi eigi laumað lími eða skyldum efnum í jarðveginn.

Í kjölfar atviks þessa hafa farið fram umfangsmiklar rannsóknir á hver sökudólgurinn kunni að vera og leikur grunur á að um sje að ræða útlæga óvini ríkisins með aðsetur í eldflaugaverksmiðjum í Kína. Notum vjer hjer með tækifærið og skorum á alla Bagglýtinga að sýna algjöra samstöðu gegn öflum þeim er sýna Baggalýtingum þá ósvífni er aðgerðir sem þessar bera með sjer. Ljóst er að enginn er óhultur. Er í framhaldi af þessu alveg ljóst að nýja árið mun eigi síður en árið 2005 einkennast af stöðugri baráttu og hernaðaraðgerðum gegn óvinum baggalútíska heimsveldisins.

Gleðilegt ár og skál !

   (30 af 102)  
1/12/05 01:01

Offari

Er ekki komin tími til að sprengja kínverjana?

1/12/05 01:01

Bölverkur

Bang!

1/12/05 01:02

Gaius Júlíus Sesar

Hátækniherdeildir mínar munu gereyða þessu drasli sem þið kallið varnir!

1/12/05 01:02

hlewagastiR

Yður láðist gjörsamlega að blanda kóbalti og tímavjelum í hugaróra yðar, hæstvirti meinti forseti.

1/12/05 02:00

Jóakim Aðalönd

Það er eins gott að Vladimir er forseti. Annars hefði þetta getað farið illa.

1/12/05 02:00

Mosa frænka

Segðu.

1/12/05 02:01

Leir Hnoðdal

Þessar sprengingar eru komnar útyfir allt velsæmi og hef ég tekið mér það Bessa leyfi að ráða sérsveit í að eyða þessari óáran stax áður en þeim verður dreift til almúgans. Bið ykkur að fara ei leynt með að fyrsta viðvörun var gefin og stakk sveitin sér níður í sveitinni þ.e. hjá Hveraverunum austur sem sjá mátti í fréttum í gær. Næst verður víðar borið niður og ekki hætt fyrr en ófögnuðurinn verður alveg kveðin niður, eða aðeins gerður með góðu eftirliti landsfeðra og efnafræðinga Baggalútíu. Pronto

1/12/05 02:01

fagri

Ósegjanlega gleður það mig að foringi vor skuli heill á húfi eftir tilræði þetta. Hér eftir verður aðeins sett germanskt fírverk í minn jarðveg.

1/12/05 03:00

Heiðglyrnir

Gleðilegt ár, kæri Forzeti..!..

10/12/05 02:01

Hvæsi

Hmmmm.
Ég heyrði að byrjað væri nú þegar að Lauma inn í landið enn stærri skammti af vopnum og sprengjum fyrir aðra eins sprengingu næstu áramót.

<Laumast út>

10/12/05 05:01

Vladimir Fuckov

Rjett er það, auk þess var óvenju mikið um sprengingar í gærkvöldi af einhverjum ástæðum.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.