— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 9/12/04
Siðferðisleg hnignun

Þjófar og stjórnlaus skríll vaða uppi á götum þessa lands

Undanfarin ár hefur mikil umræða verið um vaxandi tíðni glæpa í íslensku samfjelagi og þá einkum tíðni alvarlegra glæpa. Eigi hafa þó allir ávallt verið sannfærðir um að ástandið hafi versnað jafn mikið og af er látið (þó lítt sje um það deilt að það hafi a.m.k. versnað eitthvað) og höfum vjer verið þar á meðal - þar til í morgun er vjer hrukkum illilega við og glaðvöknuðum strax (er út af fyrir sig var ánægjuleg tilbreyting) er vjer lásum þessa auglýsingu/tilkynningu á hinum eina sanna miðli sannleikans:

EIGANDI

geimskipsins FJ 49829 L er vinsamlegast beðinn að fjarlægja það af Hallgrímskirkjuturni án tafar.

Viðvörunarbjöllur hringdu strax hátt í höfði voru og viti menn: Í ljós kom strax við lauslega athugun að það hafði verið brotist inn í eina af rannsóknastofum forsetaembættis Baggalútíu og dýrasta geimskipinu er þar var að finna stolið. Einnig fundust þarna brotnar áfengisflöskur svo augljóst er að um eitthvert fyllerísuppátæki hefur verið að ræða. Síðan er rann af þjófunum hafa þeir lent geimskipinu uppi á turni Hallgrímskirkju og haldið skömmustulegir heim á leið með skottið milli lappanna.

Vjer getum alveg fallist á að þjófnaður þessi eða uppátæki sje frekar óvenjulegur þó það að ná sjer í nýja tölvu með aðstoð skurðgröfu sje óneitanlegra mun frumlegra og óvenjulegra. En breyting sú er mest ber á er þetta mál er skoðað er hins vegar hin algjöra siðblinda þjófanna er sjest á því að þeir auglýsa uppátækið á Baggalúti og krefjast þess að eigandinn (vjer) fjarlægi geimskipið -- eftir þá -- af turni kirkjunnar, væntanlega á eigin kostnað. Hvað í hoppandi illum og koldíoxíðspúandi kóalabjörnum varð eiginlega af venjulegum og heiðarlegum þjófum í samfjelagi voru ?! Eru þeir kannski allir á bak við lás og slá ? Vjer krefjumst opinberrar rannsóknar á svona framkomu. Sömuleiðis tilkynnist hjer með opinberlega að geimskipið munum vjer að sjálfsögðu strax fjarlægja enda um viðkvæmt hátækniríkisleyndarmál að ræða. En að borga kostnaðinn við þá framkvæmd gerum vjer ekki. Aldrei !

Krefjumst vjer þess hjer með formlega að þjófarnir gefi sig þegar í stað fram. Þeir skulda oss nefnilega háar fjárhæðir auk þess sem það er lágmark að biðjast auðmjúklega afsökunar eftir svona framkomu (það hafa þeir nefnilega heldur ekki ennþá hunskast til að gera).

Góðar stundir.

   (36 af 102)  
9/12/04 16:01

Nafni

Afsakið...

9/12/04 16:01

Bölverkur

Er búinn að fjarlægja FJ 49829 L af turninum.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.