— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 1/11/02
Í helgarlok

Það tekur því líklega eigi heldur að gera ekkert af viti

16.11.2003

Eigi alls fyrir löngu sendum vjer eftirfarandi fyrirspurn til spekinganna hjá Baggalúti:

"Hvenær er svo stutt eftir af vinnuvikunni að eigi taki því lengur að reyna að gera eitthvað af viti ? Nú [fimmtudag] er einungis um þriðjungur eftir og varla að taki því að gera neitt. En í gær var enn styttri tími í að sá tími (sem líklega er núna) kæmi að eigi tæki því að gera neitt þannig að í gær tók því eigi heldur að gera neitt. Og í fyrradag var jafn stutt í gærdaginn og á mánudag í þriðjudaginn þannig að hvorki þá, á þriðjudag nje í gær tók því að gera neitt. Og þannig endalaust. ARRRGGGHHHH !!!!"

Þetta var skrifað á fimmtudegi. Eitthvað vafðist þetta mikla vandamál fyrir þeim Baggalútsmönnum og var þessu eigi svarað og er það kannski eigi að undra sje mið tekið af þeirri orrahríð misgáfulegra erinda er þeim berst.

Nú rann það upp fyrir oss upp úr hádegi í gær laugardag að þá var álíka stutt eftir af helginni og var af vinnuvikunni á fimmtudag (vjer teljum eigi aðfaranótt mánudags til helgarinnar). Var því ljóst að eigi tók því lengur að liggja í leti í helgarfríi og gera ekkert af viti. Var því þegar í stað haldið til vinnu og unnið vel og mikið en eigi mjög lengi enda miklu betra næði um kvöld og helgar. Að lokum var þó ljóst að það tók þessu eiginlega eigi, verkinu er þurfti að vinna lokið og ljóst að eigi færum vjer að rjúfa helgi hvíldardagsins með því að vinna þá líka. Var því helgafríi haldið áfram þó það tæki því eiginlega eigi enda laugardagur að kveldi kominn.

Virðist því ljóst að á virkum dögum tekur því eigi að reyna að gera neitt af viti vegna nálægðar við helgina og um helgar tekur því eigi að gera neitt sem eigi er af neinu viti vegna nálægðar við mánudag.

Er því ljóst að vjer stöndum hjer frammi fyrir áhugaverðu og mótsagnakenndu vandamáli er brýna nauðsyn ber til að finna lausn á.

Þess ber að lokum að geta að við fyrirspurn þeirri er birtist ofarlega í pistlingi þessum fengum var hjálplegt svar frá einum gesta GESTAPÓ og kunnum vjer viðkomandi bestu þakkir fyrir. Tökum vjer oss það bessaleyfi að birta það hjer:

"Á mínum námsárum í Árósum hitti ég fyrir tvo þarlenda undirverktakar hjá fyrirtæki sem tók að sér smíði ýmisskonar. En þeir höfðu velt sömu spurningu fyrir sér og þeirra svar fólst í að breyta sinni viðveru. Fyrst byrjuðu þeir á því að hætta á föstudögum kl. 14 í stað 16. og fannst mikill munur! En eitthvað fannst þeim lítið verða úr þessum klt. milli kl. 13-14 en milli kl. 12-13 höfðu þeir matarhlé, hættu þeir því þá hið snarasta og lauk þá degi kl. 12 Þetta virkaði vel þartil það rann upp fyrir þeim að það tæki því nú varla að byrja á neinu verki á föstudögum fyrir skitna þrjá tíma. Því ákváðu þeir að skynsamlegast væri að leggja alfarið niður vinnu á föstudögum!
Svar mitt hlýtur því að vera í ljósi þessa, að ALDREI sé það stutt eftir að vinnuvikunni að eigi taki því lengur að reyna að gera eitthvað af viti!"

Er af þessu ljóst að hjer er á ferðinni enn mótsagnakenndara vandamál en vjer töldum í fyrstu og er það í senn rökfræðilegt, heimspekilegt og með augljóst hagnýtt gildi.

   (100 af 102)  
5/12/05 05:00

hunandar

engin vinnan á flöskudögum þá eru það í það minnsta 5 dagar sem maður getur bleit sig í ákavit og kampavín heir heirog skál

9/12/06 04:01

Hexia de Trix

Það var einmitt með sömu rökum sem ég komst að því að það tæki því nú varla að mæta til vinnu aftur eftir sumarfrí. Þá er nefnilega svo stutt í haustferðina á vegum vinnunnar. Svo tekur því ekki að mæta eftir vinnuferðina því þá er svo stutt í helgarferðina með makanum. Þegar henni er lokið er allt of stutt til jóla að það taki því að vera að mæta fyrr en eftir áramót. Hins vegar vita það flestir að tíminn á milli áramóta og páska er ósköp lítilfjörlegur og fátt að gerast, þannig að það er alveg eins gott að sitja heima og plana páskafríið. Eftir páska úir svo og grúir af allskyns frídögum að það er bara heimska að vera að eltast við að vera að mæta í vinnu.
Svo kemur aftur sumarfrí! [Ljómar upp]

9/12/06 04:02

krossgata

Það er alveg brjálað að gera í að vera ekki í vinnu. Frí eru mjög tímafrek.

1/11/06 02:01

Tigra

Er þetta orðinn laumupúkaþráður?

1/11/06 05:02

krossgata

Hvað finnst þér?

1/12/07 12:01

Álfelgur

Fyrst árið 2008!!

3/12/07 09:01

krossgata

Er það ekki bara?

9/12/07 05:01

Álfelgur

Jújú svosem...

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.