Í morgun er ég gekk heim heyrði ég skyndilega mikið garg og læti fyrir aftan mig. Er ég sneri mér við sá ég hrafn og tvær kríur fljúgast á. Kríurnar stungu sér að hrafninum og gogguðu í hann. Hrafninn faldi sig öðru hverju fyrir vörgunum í háu grasi en reyndi þess á milli að fljúga burt. Á meðan svifu kríurnar yfir og biðu færis að gogga aftur í krumma. Þau hurfu öll þrjú að lokum á bak við hlíð svo ég veit ekki hvernig fór.
Bannsett frekjan alltaf og ofbeldið í þessum kríum!
[Blótar herfilega og rífur hár sitt]
Ég hefði líka haldið með krumma.
Sama hér, Kríur eru andsk... íllfygli.
Krummar eru eins og allir vita Álfar í dulargerfi.
Greyið hrafninn. Krían ætti að skammast sín fyrir slíka framkomu. Ég mun skrifa bréf í Velvakanda.
Annars varð ég vitni að geysilegum þrastaslag á Lækjargötu í fyrradag. Leikurinn byrjaði við ljóta húsið þar sem strætóbiðsjoppan er og náði út að torfuhúsunum hinum meginn við götuna og svo var flogið yfir Pravdahúsið (sem þá átti rúman klukkutíma eftir ólifaðan) og niður Austurstrætið. Þá missti ég sjónar af þeim.
Voðalega eru fuglarnir skapstyggir um þessar mundir.
Ég hef aldrei slegist í 101.
[Horfir eins sakleysislega á alla viðstadda og mögulegt er]
Ég hef áhygjur af þessu sívaxandi ofbeldi í borgini. Þetta endar sjálfsagt eins í Bandaríkjahrepp þar sem bæði fólk og fuglar þurfa að ganga með skotvopn á sér til að verja líf sitt.
Fuglar í miðbænum eru upp til hópa alkóhólistar og dópistar. Bjórinn flæðir um göturnar og menn losa sig við spíttið um leið og fíknó nálgast. Blessaðir fuglarnir ánetjast þessu og verða snarbilaðir og nojaðir.
Ég vona bara að Krummi geti kríað skaðabætur út úr helvítis kríunum.
Já, þetta er góð spurning. Þær koma yfirleitt á þessum tíma - uppúr miðjum apríl til mánaðarmóta apríl/maí.
Mér sýndist þetta vera kríur - hvaða fuglar gætu þá komið til greina ef þetta voru ekki kríur?
Auðvitað voru þetta þá hettumáfar. Bölvaðir hettumáfarnir að vera svona vondir við krumma!
Tjörnin er reyndar að fyllast af mávum; vorboðinn ljúfi.
Ég bíð enn eftir að Grísli Marteinn komi út úr ráðhúsi með haglarann og fari að plaffa þennan ófögnuð niður. Átti ekki að eyða þessu sem fyrst?
Nei, þettu voru ekki mávar. Ég viðurkenni fúslega að ég er ekki fuglasérfræðingur en þekki þó máva frá kríueftirhermum. Ég kaupi margt annað en ekki þá í þessu tilviki.
Þeir eru nefnilega eins og óstöðvandi her fugla sem traðka allt niður sem verður í vegi þeirra. Næstum eins og þeir þjóni einhverjum æðri yfirvöldum sem með hjálp nýjustu tækni stjórni aðgerðum þeirra. Hver það er er ómögulegt að segja.
Hrafnar eru æði, uppáhalds fuglarnir mínir. Kríur eru kannski árásargjarnar, en þær eru kúl fyrir að fljúga lengra en flestir aðrir fuglar.
Ég er alltaf jafn pirruð yfir því að það megi skjóta hrafna. Hrafnar hafa gáfur á við 5 ára barn! Ekki myndi fólk skjóta 5 ára barn er það?! HA?!!
Hverjum er ekki sama um lömbin sem þeir ráðast STUNDUM á. Enda étum við lömbin, er það ekki? Fólk grenjar ekki yfir því.
Mér er ekki sama um lömbin.
En ég er sammála því að hrafninn er skemmtilegur fugl, hann er mikill húmoristi. Hugsanlega var hann bara að stríða hettumávunum og lokka þá í burtu frá .. einhverju..
En kríum og hettumávum er oft ruglað saman. Hettumávar eru litlir, gráir, með hettu niður á háls en ekki kollhettu eins og kríurnar. Hljóðin eru líka mjög svipuð, en stélið er miklu fallegra á kríunum, klofið en ekki þverskorið.
Og mér finnst kríur skemmtilegri en hettumávar.
Fyrr breyti ég þessu félagsriti í smásögu en að setja hettumáva í frásögnina.
Skál annars [Sýpur á asnalegu hanastéli]
Kríur eru fallegar, stílhreinar. Fáir fuglar fljúga af eins mikilli list og krían. Hins vegar er bölvað gargið í henni leiðinlegt. Þá kýs ég heldur skemmtilegt krunkið í krumma.
Krummar eru einstaklega fallegir fuglar. Vænst þykir mér um að krummi reynir ekki að gogga í höfuðið á mér eins og sumir fuglar [sendir kríunni illa augnaráðið] þó þeir meini vel, allavega fyrir ungana sína.
Já. Krummi er númer eitt. Svo er hann gáfaðari en flestir fuglar, og reyndar flest dýr ef út í það er farið.
Rétt rétt eins og Alþingið mætti stundum taka sér hrafnaþingin sér til fyrirmyndar.
"Ég er alltaf jafn pirruð yfir því að það megi skjóta hrafna."
(Hrafnar eru reyndar friðaðir á Íslandi, þannig að áhyggjur þínar eru sem betur fer ástæðulausar.)
Hvurslags er þetta. Vissulega er hrafninn friðaður eins og ALLIR fuglar á Íslandi.
Veiðitímabilin heita "Undanþágur frá friðun" og er hagað með eftirfarandi hætti:
Undanþágur frá friðun
1. Allt árið: Svartbakur, sílamáfur, silfurmáfur ,hrafn
2. Frá 20. ágúst til 15. mars: Grágæs, heiðagæs.
3. Frá 1. september til 15. mars: Fýll, dílaskarfur, toppskarfur, helsingi, stokkönd, urtönd, rauðhöfðaönd, duggönd, skúfönd, hávella, toppönd, hvítmáfur, hettumáfur, rita.
4. Frá 1. september til 10. maí: Álka, langvía, stuttnefja, teista, lundi
5. Frá 15. okt. 30. nóv. 2006: Rjúpa, veiðar eru ekki heimilaðar mánudag, þriðjudag og miðvikudag.
6. Heimilt er að veiða kjóa í og við friðlýst æðarvarp á tímabilinu 15. apríl til 14. júlí
Því má veiða hrafn allt árið á Íslandi samkv. reglugerðum.