Og bananasósa...
Það er svo notalegt þegar góðar minningar streyma fram, að því er virðist af tilefnislausu. Allt á milli himins og jarðar getur kallað fram þessar góðu minningar, svo sem lykt, bragð, litur, hljóð eða hlutur.
Í morgun var ég að baka og þegar ég var að vaska upp hrærivélarskálina til þess að ég gæti hrært nýtt deig, þá streymdu fram minningar um hana móður mína. Þarna þar sem ég stóð og horfði á hendurnar á mér þrífa skálina, sá ég hana mömmu fyrir mér að vaska upp þessa sömu skál. Það eru óteljandi stundirnar sem ég var með henni í eldhúsinu að hjálpa henni við hitt og þetta, góðar stundir sem ég gleymi aldrei. Já og svei mér þá ef mér þykir ekki bara örlítið vænna um þessa blessuðu hrærivél mína sem ég hef oft blótað sökum elli og lélegheita.
Meðfylgjandi er svo uppskrift af bananasósu eftir ungriddara heimilisins. Ekki tiltók hann hve mikið magn væri af hverju, svo ég geri ráð fyrir að allt sé "eftir smekk".
Cheerios
Banani
Súkkulaðikartafla
Gul kartöflumús
Mjólk
Allt hrært saman. Verði ykkur að góðu.
flissar
Já blessaðar minningarnar án þeirra væri ekki mikið gaman í samkundum með góðum vinum.
Þakka þér fyrir þessa uppskrift. Mér er farið að dauðhlakka til að smakka á þessu.
Fór í Bónus að kaupa í uppskriftina en fann hvergi súkkulaðikartöflu... Geturðu bennt mér á góðan díler?
Sósur eru góðar. Hins vegar geta þær verið hvimleiðar þegar maður missir þær á fötin.